ബിബി സെബി മലയാറ്റൂർ-നീലീശ്വരം ഗ്രാമപഞ്ചായത്ത്​ പ്രസിഡൻറ്​

കാലടി: കേരള കോൺഗ്രസ്-എമ്മിലെ ബിബി സെബി മലയാറ്റൂർ-നീലീശ്വരം ഗ്രാമപഞ്ചായത്തിൻെറ പുതിയ പ്രസിഡൻറ്. എട്ടിനെതിരെ ഒമ്പത് വോട്ടുകൾക്കാണ് തെരഞ്ഞെടുക്കപ്പെട്ടത്. മുൻധാരണ പ്രകാരം നിലവിലെ പ്രസിഡൻറ് കോൺഗ്രസിലെ അനിമോൾ ബേബി സ്ഥാനം ഒഴിഞ്ഞിരുന്നു. ആലുവ എ.ഇ.ഒ ലിസ വരണാധികാരിയായി. തുടർന്ന് നടന്ന സ്വീകരണത്തിൽ വൈസ് പ്രസിഡൻറ് ഷാഗിൻ കണ്ടത്തിൽ, കേരള കോൺഗ്രസ്-എം മണ്ഡലം പ്രസിഡൻറ് ജോളി മാടശ്ശേരി, യൂത്ത് ഫ്രണ്ട്-എം സംസ്ഥാന കമ്മിറ്റി അംഗം ആൻറണി കിടങ്ങേൻ, മുൻ പഞ്ചായത്ത് പ്രസിഡൻറ് അനിമോൾ ബേബി, യൂത്ത് ഫ്രണ്ട്-എം നിയോജകമണ്ഡലം പ്രസിഡൻറ് ജോയി അവോക്കാരൻ, സഹകരണ ബാങ്ക് പ്രസിഡൻറ് തോമസ് പാങ്ങോല, യൂത്ത് ഫ്രണ്ട്-എം മണ്ഡലം പ്രസിഡൻറ് വി.കെ. സിബി തുടങ്ങിയവർ സംസാരിച്ചു.