വീട്ടിൽ വാറ്റുചാരായം സൂക്ഷിച്ചയാൾ അറസ്​റ്റിൽ

കോതമംഗലം: വീട്ടിൽ വാറ്റുചാരായം സൂക്ഷിച്ചയാളെ പൊലീസ് അറസ്റ്റ് ചെയ്തു. മാമലക്കണ്ടം താന്നിക്കൽ വിനോദിനെയാണ് (49) കുട്ടമ്പുഴ എസ്.ഐ വി.കെ. വിനോദ് അഡീഷനൽ എസ്.ഐ ഇബ്രാഹിംകുട്ടി, സിവിൽ പൊലീസ് ഓഫിസർമാരായ ഗിരീഷ്, രാജി എന്നിവരടങ്ങുന്ന സംഘം പിടികൂടിയത്. കുട്ടമ്പുഴ എസ്.ഐക്ക് ലഭിച്ച രഹസ്യ വിവരത്തെതുടർന്ന് നടത്തിയ പരിശോധനയിലാണ് മദ്യം കണ്ടെടുത്തത്. ഇയാളുടെ വീട്ടിലെ തൊഴുത്തിൽനിന്നാണ് ആറ് ലിറ്റർ വാറ്റുചാരായം കണ്ടെടുത്തത്. പ്രതിയെ കോടതിയിൽ ഹാജരാക്കി.