അനുമതിയില്ലാത്ത വാഹനങ്ങൾ പിടിച്ചെടുക്കും

ആലപ്പുഴ: ലോക്സഭ തെരഞ്ഞെടുപ്പിനോടനുബന്ധിച്ചുള്ള സ്ഥാനാർഥികളുടെ പ്രചാരണം ഞായറാഴ്ച വൈകീട്ട് ആറിന് അവസാനിക്കു ം. ഈ സാഹചര്യത്തിൽ എല്ലാ സ്ഥാനാർഥികളും പ്രചാരണത്തിന് ഉപയോഗിക്കുന്ന വാഹനങ്ങൾക്ക് ലഭിച്ച അനുമതി വാഹനങ്ങളിൽ പ്രദർശിപ്പിക്കേണ്ടതാണ്. പെർമിറ്റ് ഇല്ലാത്ത വാഹനങ്ങൾ പ്രചാരണത്തിന് ഉപയോഗിക്കുന്നുണ്ടോ എന്ന് ബന്ധപ്പെട്ട ഉപ വരണാധികാരികൾ, മറ്റ് അധികാരപ്പെടുത്തിയ ഉദ്യോഗസ്ഥർ എന്നിവർ പരിശോധിക്കും. അപ്രകാരമുള്ളവ പിടിച്ചെടുക്കും. ഇതുമായി ബന്ധപ്പെട്ട് എല്ലാ രാഷ്ട്രീയ പാർട്ടികളും സഹകരിക്കണമെന്ന് കലക്ടർ അറിയിച്ചു.