ഒാർത്തഡോക്സ് പക്ഷം നടത്തിയത് രാഷ്​ട്രീയനാടകം: യാക്കോബായ ആർച് ബിഷപ്

കായംകുളം: കട്ടച്ചിറയിൽ ഒാർത്തഡോക്സ് പക്ഷം നടത്തിയത് രാഷ്ട്രീയ നാടകമാണെന്ന് യാക്കോബായ ആർച് ബിഷപ് കുര്യാക് കോസ് മോർ സേവേറിയോസ് പറഞ്ഞു. കട്ടച്ചിറ സ​െൻറ് മേരീസ് പള്ളി കൈയേറിയ ഒാർത്തഡോക്സ് പക്ഷ നടപടിക്കെതിരെ യാക്കോബായവിഭാഗം നടത്തുന്ന സമരത്തെ അഭിവാദ്യംചെയ്യുകയായിരുന്നു അദ്ദേഹം. വിഷയത്തിൽ നീതിലഭിച്ചില്ലെങ്കിൽ കടുത്ത സമരമുറകളിലേക്ക് കടക്കും. ഹൈകോടതി ഉത്തരവ് നടപ്പാക്കുന്നതിൽ റവന്യൂ-പൊലീസ് വിഭാഗങ്ങൾക്ക് വീഴ്ചസംഭവിച്ചു. കുറ്റക്കാരായ ഉദ്യോഗസ്ഥർക്കെതിരെ നടപടിയുണ്ടാകണം. പള്ളിയിൽ അതിക്രമിച്ചുകടന്ന് നാശനഷ്ടം വരുത്തിയവരെ നിയമത്തിന് മുന്നിൽകൊണ്ടുവരണം. യൂഹാനോൻ മോർ മീലിത്തിയോസ്‌, മാത്യൂസ് മോർ തേവോദോസിയോസ്, ഗീവർഗീസ് മോർ ബർണബാസ്‌ എന്നിവരും സംബന്ധിച്ചു. കട്ടച്ചിറ പള്ളിയിൽ ഒാർത്തഡോക്സ് പക്ഷത്തി​െൻറ അതിക്രമത്തിൽ സംഭവിച്ച നാശനഷ്ട കണക്കെടുപ്പ് നടത്താൻ നടപടികളുണ്ടാകണമെന്ന് തെക്കൻ ഭദ്രാസന വൈദിക യോഗവും ആവശ്യപ്പെട്ടു. പള്ളിക്കുള്ളിലും സെമിത്തേരിയിലും അതിക്രമംകാട്ടിയ വൈദികരുടെയും മെത്രാപ്പൊലീത്തയുടെയും നടപടി ക്രിസ്തീയമല്ലെന്നും അക്രമംകാട്ടിയവരെ അറസ്റ്റ് ചെയ്യണമെന്നും യോഗം ആവശ്യപ്പെട്ടു.