വെളിച്ചം സംഗമം മേയ്‌ ഒന്നിന്​: സ്വാഗതസംഘം രൂപവത്​കരിച്ചു

ആലപ്പുഴ: മേയ് ഒന്നിന് ആലപ്പുഴയില്‍ നടത്തപ്പെടുന്ന അന്താരാഷ്ട്ര ഖുര്‍ആന്‍ പഠന പദ്ധതിയായ വെളിച്ചത്തി​െൻറ എട്ടാം സംസ്ഥാന സംഗമത്തി​െൻറ വിജയത്തിന് സ്വാഗതസംഘം രൂപവത്കരിച്ചു. കെ.എന്‍.എം ദക്ഷിണ കേരള പ്രസിഡൻറ് വി. മുഹമ്മദ്‌ സുല്ലമി മുഖ്യ രക്ഷാധികാരിയായും കെ.എന്‍.എം ദക്ഷിണ കേരള നേതാക്കളായ കെ.എ. സുബൈര്‍ അരൂര്‍, എം.എം. ബഷീര്‍ മദനി എന്നിവര്‍ ചെയര്‍മാന്മാരായും കെ.എന്‍.എം ആലപ്പുഴ ജില്ല സെക്രട്ടറി വൈ. മുഹമ്മദ്‌ മുനീര്‍ ജനറല്‍ കണ്‍വീനറായും സ്വാഗതസംഘം രൂപവത്കരിച്ചു. പി. നസീര്‍, ഹുസൈന്‍ കായംകുളം (വൈ. ചെയ.), ഐ.എസ്.എം സംസ്ഥാന സെക്രട്ടറി പി.എ. ഷമീര്‍ ഫലാഹി (ജോ. കൺ.). ആലപ്പുഴയില്‍ ചേര്‍ന്ന സ്വാഗതസംഘം രൂപവത്കരണ യോഗം വെളിച്ചം സംസ്ഥാന ചെയര്‍മാന്‍ അബ്ദുല്‍ കരീം സുല്ലമി എടവണ്ണ ഉദ്ഘാടനം ചെയ്തു. കെ.എന്‍.എം സൗത്ത് സോണ്‍ സെക്രട്ടറി കെ.എ. സുബൈര്‍ അരൂര്‍ അധ്യക്ഷത വഹിച്ചു. വെളിച്ചം സംസ്ഥാന കണ്‍വീനര്‍ ശാനിഫ് വാഴക്കാട്, ഐ.എസ്.എം സംസ്ഥാന സെക്രട്ടറി പി.എ. ഷമീര്‍ ഫലാഹി, കെ.എന്‍.എം ജില്ല സെക്രട്ടറി വൈ. മുഹമ്മദ്‌ മുനീര്‍, ഐ.എസ്.എം ജില്ല പ്രസിഡൻറ് അനീസ്‌ അബ്ദുല്‍ സലാം, ഹുസൈന്‍ കായംകുളം, ഹിഷാം സിയാദ്, സഫല നസീര്‍ എന്നിവർ സംസാരിച്ചു.