വൈപ്പിൻ -മുനമ്പം റോഡ്​: ഹൈകോടതി വിശദീകരണം തേടി

കൊച്ചി: വൈപ്പിൻ -മുനമ്പം റോഡി​െൻറ ശോച്യാവസ്ഥ പരിഹരിക്കണമെന്നാവശ്യപ്പെടുന്ന ഹരജിയിൽ ഹൈകോടതി സർക്കാറി​െൻറ വിശദീകരണം തേടി. വൈപ്പിൻ-മുനമ്പം റോഡ് തകർന്നതോടെ അപകടങ്ങൾ നിത്യ സംഭവമായെന്നും വിദ്യാർഥികളും രോഗികളും വിദേശികളായ ടൂറിസ്റ്റുകളും ബുദ്ധിമുട്ടനുഭവിക്കുകയാണെന്നും ചൂണ്ടിക്കാട്ടി പുതുവൈപ്പ് സ്വദേശിയും ഗോശ്രീ മനുഷ്യാവകാശ കമ്മിറ്റി സെക്രട്ടറിയുമായ കെ.ജെ. ജോൺസൺ നൽകിയ ഹരജിയിലാണ് വിശദീകരണം തേടിയത്. റോഡി​െൻറ അറ്റകുറ്റപ്പണിക്ക് പൊതുമരാമത്ത് വകുപ്പിന് നിവേദനം നൽകിയിട്ടും ഫലമുണ്ടാകാത്തതിനാലാണ് ഹരജിക്കാരൻ ഹൈകോടതിയെ സമീപിച്ചത്. പത്തു ദിവസത്തിനുശേഷം ഹരജി വീണ്ടും പരിഗണിക്കും.