ഭരണിക്കാവിൽ പാർപ്പിടത്തിനും കുടിവെള്ളത്തിനുമായി രണ്ടേകാൽ കോടി

കായംകുളം: വൃത്തിയുള്ള നാട്, ബുദ്ധിയുള്ള കുട്ടികൾ, കതിരണിയും പാടങ്ങൾ, സുരക്ഷിത ഭവനങ്ങൾ തുടങ്ങി നൂതന പദ്ധതികളുമ ായി ഭരണിക്കാവ് പഞ്ചായത്ത് ബജറ്റ്. പാർപ്പിടവും കുടിവെള്ളത്തിനുമായി രണ്ടേകാൽ കോടിയാണ് വകയിരുത്തിയത്. ഭൂമിയും ഭവനവും ഇല്ലാത്ത 187 കുടുംബങ്ങളുടെയും ഭൂമിയുള്ള ഭവനരഹിതരായ 107 കുടുംബങ്ങളുടെയും പുനരധിവാസമാണ് ഭവന പദ്ധതിയിലൂടെ ലക്ഷ്യം. മൃഗസംരക്ഷണത്തിന് 87.9 ലക്ഷവും കൃഷിക്ക് 28.7 ലക്ഷവും ചെലവഴിക്കും. തരിശ് പാടങ്ങളിൽ കൃഷിയിറക്കുന്ന 'കതിരണിയും പാടങ്ങൾ'ക്കായി 10 ലക്ഷം രൂപയാണ് വിനിയോഗിക്കുന്നത്. സമഗ്ര പ്ലാസ്റ്റിക് നിർമാർജനം അടക്കം ലക്ഷ്യമാക്കുന്ന ശുചിത്വത്തിന് 18.2 ലക്ഷം, ആരോഗ്യത്തിന് 74 ലക്ഷം, കുട്ടികളുടെ ആരോഗ്യത്തിന് 70 ലക്ഷം, വയോജനങ്ങൾക്കായി 27 ലക്ഷം, വനിതകളുടെ ക്ഷേമത്തിന് 65.67 ലക്ഷം, പട്ടികജാതി ക്ഷേമത്തിന് 1.53 കോടിയും വിനിയോഗിക്കും. ലഹരിക്കെതിരെയുള്ള പരിപാടികൾ, യു.െഎ.ടിയുടെ നവീകരണം, തെരുവുവിളക്ക് പരിപാലനം, കുടുംബശ്രീ എന്നിവക്കായും പദ്ധതികളുണ്ട്. 22,70,50,905 രൂപ വരവും 21,94,01,467 രൂപ ചെലവും പ്രതീക്ഷിക്കുന്ന ബജറ്റാണ് വൈസ് പ്രസിഡൻറ് കുഞ്ഞുമോൾ റജി അവതരിപ്പിച്ചത്. പ്രസിഡൻറ് പ്രഫ. വി. വാസുദേവൻ അധ്യക്ഷത വഹിച്ചു. സെക്രട്ടറി എസ്. ശുഭാദേവി, സ്ഥിരം സമിതി അധ്യക്ഷൻ നികേഷ് തമ്പി, മുൻ പ്രസിഡൻറ് എ.എം. ഹാഷിർ, ഡോ. സ്മിത എന്നിവർ സംസാരിച്ചു. ലൈസൻസ് ഫീസ് വർധനവിനെതിരെ വ്യാപാരികൾ സമരത്തിലേക്ക് കായംകുളം: ലൈസൻസ് ഫീസ് വർധിപ്പിച്ച നഗരസഭയുടെ നടപടി പ്രതിഷേധാർഹമാണെന്ന് വ്യാപാരി വ്യവസായി ഏകോപന സമിതി യൂനിറ്റ് യോഗം. ഫീസി​െൻറ നിരക്ക് വിവരങ്ങൾ പ്രദർശിപ്പിക്കണമെന്നും പകർപ്പ് കൈമാറണമെന്നുമുള്ള ആവശ്യം ഇതുവരെയും അംഗീകരിക്കപ്പെട്ടിട്ടില്ല. കെട്ടിട ഉടമ നികുതി അടച്ചില്ലെങ്കിലും വാടകക്കാരായ കച്ചവടക്കാർക്ക് ഡി ആൻഡ് ഒ ലൈസൻസ് പുതുക്കി നൽകണമെന്ന ഹൈകോടതി ഉത്തരവ് പാലിക്കാനും നഗരസഭ ഉദ്യോഗസ്ഥർ തയാറാകുന്നില്ല. മനുഷ്യത്വരഹിതമായ സമീപനം തുടർന്നാൽ പ്രത്യക്ഷ സമരം തുടങ്ങാനും തീരുമാനിച്ചു. പ്രസിഡൻറ് സിനിൽ സബാദ് അധ്യക്ഷത വഹിച്ചു. എ.എം. ഷരീഫ്, പി. സോമരാജൻ, എം. ജോസഫ്, വി.കെ. മധു, അബു ജനത, എ.എച്ച്.എം. ഹുസൈൻ, ഇ.എസ്.കെ. പൂക്കുഞ്ഞ്, എ.ബി.എസ്. ഷിബു, വിഠളദാസ്, ജോർജ് മാത്യു, സജു മറിയം, നാഗൻ രാജാസ് എന്നിവർ സംസാരിച്ചു. വീടി​െൻറ താക്കോൽ ദാനവും സഹായ വിതരണവും ആറാട്ടുപുഴ: പീപ്പിൾസ് ഫൗണ്ടേഷൻ കേരളയുടെ സഹകരണത്തോടെ ആറാട്ടുപുഴ തയ്യിൽ പടീറ്റതിൽ സുനിതക്ക് നിർമിച്ച് നൽകുന്ന വീടി​െൻറ താക്കോൽ ദാനവും സഹായ വിതരണവും ഞായറാഴ്ച വൈകീട്ട് നാലിന് പത്തിശ്ശേരിൽ ജങ്ഷനിൽ നടക്കും. ജമാഅത്തെ ഇസ്‌ലാമി ജില്ല പ്രസിഡൻറ് ഹക്കീം പാണാവള്ളി താക്കോൽ ദാനവും മുഖ്യപ്രഭാഷണവും നടത്തും. ഹരിപ്പാട് ഏരിയ പ്രസിഡൻറ് കെ.എ. സമീർ അധ്യക്ഷത വഹിക്കും. വെൽഫെയർ പാർട്ടി ജില്ല പ്രസിഡൻറ് നാസർ ആറാട്ടുപുഴ സഹായ വിതരണം നിർവഹിക്കും.