എം.ജി സർവകലാശാല വാർത്തകൾ

പരീക്ഷ തീയതി കോട്ടയം: തൃപ്പൂണിത്തുറ ആർ.എൽ.വി കോളജിൽ നടക്കുന്ന ബി.എഫ്.എ പരീക്ഷകൾ മാർച്ച് ആറു മുതൽ ആരംഭിക്കും. പി ഴയില്ലാതെ ഫെബ്രുവരി 19വരെയും 500 രൂപ പിഴയോടെ 20വരെയും 1000 രൂപ സൂപ്പർഫൈനോടെ 21വരെയും അപേക്ഷിക്കാം. ഒന്നാം സെമസ്റ്റർ എം.എസ്‌സി ഫിഷറി ബയോളജി ആൻഡ് അക്വാകൾചർ (പുതിയ സ്‌കീം -2018 അഡ്മിഷൻ റഗുലർ, 2018ന് മുമ്പുള്ള അഡ്മിഷൻ സപ്ലിമ​െൻററി) പരീക്ഷകൾ മാർച്ച് ആറു മുതൽ ആരംഭിക്കും. പിഴയില്ലാതെ ഫെബ്രുവരി 18വരെയും 500 രൂപ പിഴയോടെ 19വരെയും 1000 രൂപ സൂപ്പർഫൈനോടെ 20വരെയും അപേക്ഷിക്കാം. എം.ഫിൽ സംവരണ സീറ്റ് ഒഴിവ് മഹാത്മാഗാന്ധി സർവകലാശാല പ്യുവർ ആൻഡ് അപ്ലൈഡ് ഫിസിക്‌സിൽ 2018-19 എം.ഫിൽ ബാച്ചിലേക്ക് പട്ടികജാതി വിഭാഗത്തിൽ രണ്ട് സീറ്റ് ഒഴിവുണ്ട്. അർഹർ അസ്സൽ രേഖകളുമായി ഫെബ്രുവരി 22ന് വൈകീട്ട് നാലിന് മുമ്പ് സ്‌കൂൾ ഓഫിസിൽ നേരിട്ട് ഹാജരാകണം. ഫോൺ: 0481-2731043.