കെ-സ്വിഫ്റ്റ്: സംസ്ഥാനത്തെ സംരംഭകര്‍ക്കായി ഓണ്‍ലൈന്‍ ക്ലിയറന്‍സ് സംവിധാനം

കൊച്ചി: പുത്തന്‍ സംരംഭങ്ങള്‍ സുഗമമായി മുന്നോട്ടു കൊണ്ടുപോകാന്‍ ലക്ഷ്യമിടുന്നതും സംരംഭകത്വ സംസ്കാരത്തിന് ഉണര്‍വേകി വിപ്ലവകരമായ മാറ്റത്തിന് വഴിതെളിക്കുന്നതുമായ ഓണ്‍ലൈന്‍ ഏകജാലക സംവിധാനമായ കെ-സ്വിഫ്റ്റുമായി (കേരള സിംഗിള്‍ വിന്‍ഡോ ഇൻറര്‍ഫെയ്സ് ഫോര്‍ ഫാസ്റ്റ് ആന്‍ഡ് ട്രാന്‍സ്പരൻറ് ക്ലിയറന്‍സസ്) സംസ്ഥാന സര്‍ക്കാര്‍. കേരളത്തെ നിക്ഷേപ സൗഹൃദമാക്കുകയെന്ന ലക്ഷ്യത്തോടെ ഫെബ്രുവരി 11ന് ബോള്‍ഗാട്ടി ഇൻറര്‍നാഷനല്‍ കണ്‍വെന്‍ഷന്‍ സ​െൻററില്‍ നടക്കുന്ന 'അസെന്‍ഡ് 2019'ല്‍ കെ-സ്വിഫ്റ്റ് അവതരിപ്പിക്കും. സംസ്ഥാനത്ത് സംരംഭം തുടങ്ങുന്നതിനാവശ്യമായ ക്ലിയറന്‍സുകള്‍ ലഭ്യമാക്കുന്നതിനുള്ള പ്രഥമ സംയോജിത പ്ലാറ്റ്ഫോമാണ് കെ-സ്വിഫ്റ്റ്. നഗരകാര്യാലയം, പഞ്ചായത്ത് കാര്യാലയം, നഗര-ഗ്രാമ ആസൂത്രണം, ഫാക്ടറീസ്-ബോയിലേഴ്സ്, ഇലക്ട്രിക്കല്‍ ഇന്‍സ്പെക്ടറേറ്റ്, മൈനിങ്-ജിയോളജി, വനം-വന്യജീവി, തൊഴില്‍, ഫയര്‍-റെസ്ക്യൂ സര്‍വിസസ്, കേരള സംസ്ഥാന മലിനീകരണ നിയന്ത്രണ ബോര്‍ഡ്, സംസ്ഥാന പരിസ്ഥിതി ആഘാത നിര്‍ണയ അതോറിറ്റി, വൈദ്യുതി ബോര്‍ഡ്, ജല അതോറിറ്റി, ഭൂഗര്‍ഭ ജലവകുപ്പ് എന്നീ 14 വകുപ്പുകളുടെ /ഏജന്‍സികളുടെ സേവനം കെ-സ്വിഫ്റ്റില്‍ ലഭിക്കും. എല്ലാ അപേക്ഷകളും യൂണിഫൈഡ് കോമണ്‍ ആപ്ലിക്കേഷന്‍ ഫോമിലൂടെയാണ് (സി.എ.എഫ്) സമര്‍പ്പിക്കേണ്ടത്. സംരംഭകരും സര്‍ക്കാറുമായുള്ള ബന്ധം വിപുലീകരിക്കുന്നതി​െൻറ ഭാഗമായി സര്‍ക്കാര്‍ സംസ്ഥാന, ജില്ല തലങ്ങളില്‍ ഇന്‍വെസ്റ്റ്മ​െൻറ് പ്രമോഷന്‍ ആന്‍ഡ് ഫെസിലിറ്റേഷന്‍ സെല്ലുകള്‍ (െഎ.പി.എഫ്.സി) രൂപവത്കരിച്ചിട്ടുണ്ട്. സംരംഭങ്ങള്‍ക്കായുള്ള എല്ലാ അനുമതികളും നിക്ഷേപകന് ഒരുക്കി നല്‍കുകയാണ് െഎ.പി.എഫ്.സിയുടെ ദൗത്യം. സംസ്ഥാന വ്യവസായ വികസന കോര്‍പറേഷ​െൻറ (കെ.എസ്.ഐ.ഡി.സി)മാനേജിങ് ഡയറക്ടറായിരിക്കും െഎ.പി.എഫ്.സിയുടെ സി.ഇ.ഒ. ജില്ല കലക്ടര്‍മാര്‍ ചെയര്‍മാന്മാരായ െഎ.പി.എഫ്.സിയില്‍ അതത് ജില്ലാ വ്യവസായ കേന്ദ്രങ്ങളിലെ ജനറല്‍ മാനേജര്‍മാര്‍ കണ്‍വീനര്‍മാരായി പ്രവര്‍ത്തിക്കും.