ഹാർബർപാലം: മുന്നറിയിപ്പ്​ വിളക്ക്​ സ്ഥാപിച്ചു

മട്ടാഞ്ചേരി: ഹാർബർ പാലത്തി​െൻറ ക്രോസ് ബാർ തകരുന്നത് ഒഴിവിക്കാൻ ഫ്ലാഷൽ സോളാർ ലൈറ്റ് സ്ഥാപിച്ചു. ജൈൻ ഫൗണ്ടേഷ​െൻറ നേതൃത്വത്തിൽ ട്രാഫിക് പൊലീസി​െൻറ അനുമതിയോടെയാണ് ലൈറ്റുകൾ സ്ഥാപിച്ചത്. പാലം മൂന്നുവർഷം മുമ്പ് നവീകരിച്ച് തുറന്നപ്പോൾ ബലക്ഷയം കണക്കിലെടുത്ത് ലോറികൾ അടക്കമുള്ള വലിയ വാഹനങ്ങൾ കയറാതിരിക്കാനാണ് പാലത്തി​െൻറ രണ്ട് പ്രവേശന ഭാഗങ്ങളിലുമായി ക്രോസ് ബാറുകൾ സ്ഥാപിച്ചത്. രാത്രി ഇത് ശ്രദ്ധയിൽപെടാതെ വലിയ വാഹനങ്ങൾ കയറി ക്രോസ് ബാറുകൾ പലതവണ തകർന്നിട്ടുണ്ട്. ഇതോടെയാണ് ആറ് ചുവന്ന ലൈറ്റുകൾ തുടർച്ചയായി മിന്നിത്തെളിയുന്ന ലൈറ്റ് സ്ഥാപിച്ചത്. മുകേഷ് ജൈൻ, എം.എം. സലീം, അൻസാർ എന്നിവരുടെ നേതൃത്വത്തിലാണ് ഇവ സ്ഥാപിച്ചത്.