അനധികൃത സർവിസ് നടത്തിയ സ്വകാര്യ ടൂറിസ്​റ്റ്​ ബസ് പിടികൂടി

ചേർത്തല: എറണാകുളത്തുനിന്ന് ചേർത്തല വഴി കൊട്ടാരക്കരക്ക് ദേശസാത്കൃത റൂട്ടിൽ അനധികൃത സർവിസ് നടത്തിയിരുന്ന സൺ ല ൈൻസ് എന്ന ടൂറിസ്റ്റ് ബസ് മോട്ടോർ വാഹന വകുപ്പ് പിടികൂടി. കെ.എസ്.ആർ.ടി.സി ബസിന് മാത്രം ദീർഘദൂര സർവിസ് നടത്താൻ അനുവാദമുള്ള റൂട്ടിൽ ദിവസേന രാവിലെയും വൈകീട്ടും സ്വകാര്യ ബസ് സർവിസ് നടത്തുന്നെന്ന പരാതിയുടെ അടിസ്ഥാനത്തിൽ നടത്തിയ പരിശോധനയിലാണ് ബസ് പിടിയിലായത്. ഉഴവൂർ സ്വദേശിയായ ഷിജു ജോർജി​െൻറ ഉടമസ്ഥതയിലുള്ളതാണ് ബസ്. നിയമവിരുദ്ധമായി സർവിസ് നടത്തിയതിന് പിഴയടക്കാൻ വാഹന ഉടമക്ക് മോട്ടോർ വാഹന വകുപ്പ് നോട്ടീസ് നൽകി.