പരിശോധന നടത്തണം

മൂവാറ്റുപുഴ: ആനിക്കാട്, പൂതക്കുഴി, ഏനനല്ലൂര്‍ പ്രദേശങ്ങളില്‍ വ്യാപകമാകുന്ന മഞ്ഞപ്പിത്തബാധയെക്കുറിച്ച് ആരോഗ ്യവകുപ്പ് ഉന്നതതല സംഘം അന്വേഷണം നടത്തണമെന്ന് ബ്ലോക്ക് പഞ്ചായത്ത് അംഗം ടി.എം. ഹാരിസ് ആവശ്യപ്പെട്ടു. കഴിഞ്ഞ ദിവസം മഞ്ഞപ്പിത്തം ബാധിച്ച് പ്രദേശവാസിയായ വീട്ടമ്മ മരിച്ചിരുന്നു. പ്രളയത്തിനുശേഷം ജലസ്രോതസ്സുകള്‍ വന്‍തോതില്‍ മലിനമായതടക്കമുള്ള പ്രശ്‌നങ്ങള്‍ നിലനില്‍ക്കുമ്പോഴാണ് മഞ്ഞപ്പിത്തം പടരുന്നത്. ബോധവത്കരണവും മെഡിക്കല്‍ ക്യാമ്പും സംഘടിപ്പിക്കണമെന്നും പ്രദേശത്ത് വൈറോളജി വിദഗ്ധര്‍ പരിശോധന നടത്തണമെന്നുമാവശ്യപ്പെട്ട് ജില്ല കലക്ടര്‍ക്ക് കത്ത് നല്‍കി.