സന്നിധാനത്ത് ശനിയാഴ്​ചയും കൂട്ട ശരണം വിളി

ശബരിമല: നിരോധനാജ്ഞക്കെതിരെ സന്നിധാനത്ത് ശനിയാഴ്ചയും ഭക്തർ കൂട്ടമായി ശരണം വിളിച്ചു. പൊലീസ് ബാരിക്കേഡ് ഉപയോഗിച്ച് നിയന്ത്രണം ഏർപ്പെടുത്തിയ വലിയ തിരുമുറ്റത്തെ വാവരുനടക്ക് മുന്നിലാണ് രാത്രി പത്തേകാലോടെ മുപ്പതോളം ഭക്തർ നിലത്തിരുന്ന് ശരണം വിളിച്ച് പ്രതിഷേധിച്ചത്‌. വലിയതിരുമുറ്റത്ത് കൂട്ടംകൂടിയുള്ള ശരണം വിളിയും പ്രതിഷേധവും നിരോധനാജ്ഞ ലംഘനമാണെന്ന് പൊലീസ് അറിയിെച്ചങ്കിലും ഭക്തർ പിന്മാറിയില്ല. ഹരിവരാസനത്തോടെ ഭക്തർ പിരിഞ്ഞുപോയി. ഇവർക്കെതിരെ കേസെടുത്തേക്കുമെന്നാണ് സൂചന.