സന്നിധാനത്ത് ശനിയാഴ്​ചയും കൂട്ട ശരണംവിളി; 80ഒാളം പേർ അറസ്​റ്റിൽ

ശബരിമല: നിരോധനാജ്ഞക്കെതിരെ സന്നിധാനത്ത് ശനിയാഴ്ചയും ഭക്തർ കൂട്ടമായി ശരണം വിളിച്ചു. നിയന്ത്രണം ഏർപ്പെടുത്തിയ വലിയ തിരുമുറ്റത്തെ വാവരുനടക്ക് മുന്നിൽ പൊലീസ് ബാരിക്കേഡിന് അകത്തുംപുറത്തും രണ്ട് സംഘമായാണ് രാത്രി പത്തേകാലോടെ 80ഒാളം ഭക്തർ നിലത്തിരുന്ന് ശരണം വിളിച്ച് പ്രതിഷേധിച്ചത്‌. വലിയതിരുമുറ്റത്ത് കൂട്ടംകൂടിയുള്ള ശരണം വിളിയും പ്രതിഷേധവും നിരോധനാജ്ഞ ലംഘനമാണെന്ന് പൊലീസ് അറിയിെച്ചങ്കിലും ഭക്തർ പിന്മാറിയില്ല. ഹരിവരാസനത്തോടെ ഭക്തർ പിരിഞ്ഞുപോയി. കേസെടുത്ത് ഇവരെ അറസ്റ്റുചെയ്ത് പമ്പയിലേക്ക്് കൊണ്ടുപോയി.