പൈപ്പ് പൊട്ടി കുടിവെള്ള വിതരണം നിലച്ചു

പറവൂർ: തോന്ന്യകാവിനും അത്താണി കവലക്കും ഇടയിൽ ശുദ്ധജല വിതരണ . വെള്ളിയാഴ്ച ഉച്ചക്ക് ഒന്നരയോടെയാണ് പൈപ്പ് പൊട്ടിയത്. വെള്ളം ശക്തിയായി പുറത്തേക്ക് ഒഴുകി റോഡ് നിറഞ്ഞുകവിഞ്ഞു. ഇതോടെ ഗതാഗതം തടസ്സപ്പെട്ടു. ഒരുവശം തകർന്നതോടെ റോഡ് താഴേക്ക് ഇരുന്നു. ടാറിങ്ങിൽ വിള്ളൽ രൂപപ്പെട്ടു. കാലപ്പഴക്കംചെന്ന കുടിവെള്ള വിതരണ പൈപ്പ് ലൈനാണ് ഉച്ചക്ക് പമ്പിങ് ആരംഭിച്ചപ്പോൾ പൊട്ടിയത്. തുടർന്ന് പമ്പിങ് നിർത്തിവെച്ചതിനാൽ നാട്ടുകാരുടെ കുടിവെള്ളം മുട്ടി. ശനിയാഴ്ച അറ്റകുറ്റപ്പണി നടത്തി ശുദ്ധജല വിതരണം പുനഃസ്ഥാപിക്കുമെന്ന് അധികൃതർ അറിയിച്ചു.