ഹോട്ടലിൽനിന്ന്​ പഴകിയ ഭക്ഷണം പിടികൂടി

ചേർത്തല: നഗരത്തിലെ ഭക്ഷണശാലകളിൽനിന്ന് പഴകിയ ഭക്ഷണസാധനങ്ങൾ പിടിച്ചെടുത്തു. ചേർത്തല നഗരസഭ ആരോഗ്യ വിഭാഗമാണ് നഗരത്തിലെ ഹോട്ടലുകൾ, ഭക്ഷണശാലകൾ, ബാറുകൾ എന്നിവിടങ്ങളിൽ നടത്തിയ പരിശോധനയിൽ പഴകിയതും ഉപയോഗയോഗ്യമല്ലാത്തതുമായ ഭക്ഷണം പിടിച്ചെടുത്തത്. ചിക്കൻ ഫ്രൈ, ചിക്കൻ കറി, മീൻ കറി, ചോറ്, ഫ്രൈഡ് റൈസ്, ഉള്ളിക്കറി, കോളിഫ്ലവർ അടക്കമുള്ള വെജിറ്റബിൾ കറികൾ, പകുതി വേവിച്ച് ഫ്രീസറിൽ സൂക്ഷിച്ചിരുന്ന ഇറച്ചി, പഴകിയ ഭക്ഷ്യ എണ്ണ എന്നിവയാണ് പിടിച്ചെടുത്തത്. ഹോട്ടലുകൾക്കെതിരെ നടപടിയെടുത്ത് പിഴ ഇടാക്കി. നഗരസഭ ഹെൽത്ത് സൂപ്പർവൈസർ സി.എസ്. ബാബുരാജി​െൻറ നേതൃത്വത്തിെല സംഘമാണ് റെയ്ഡ് നടത്തിയത്.