ദേശീയപാത 66ൽ ആറ് പ്രവൃത്തികൾക്ക് അനുമതി -മന്ത്രി ജി.സുധാകരൻ

ആലപ്പുഴ: ദേശീയപാത 66 ൽ കാസർകോട്, തൃശൂർ, ആലപ്പുഴ ജില്ലകളിലായി 74.5 കോടിയുടെ ആറ് പ്രവൃത്തികൾക്ക് കേന്ദ്ര ഗതാഗത മന്ത്രാലയം അനുമതി നൽകിയതായി മന്ത്രി ജി. സുധാകരൻ അറിയിച്ചു. കാസർകോട് ജില്ലയിലെ ഉപ്പള-കുമ്പള (12 കി.മീ), തലപ്പാടി- ഉപ്പള (10.95 കി.മീ), തൃശൂർ ജില്ലയിലെ ചാവക്കാട് - മണത്തല (4 കി.മീ), തളിക്കുളം - കൊപ്രക്കളം (12 കി.മീ), ആലപ്പുഴ ജില്ലയിലെ അരൂർ - ചേർത്തല (23.67 കി.മീ), പുറക്കാട് - കരുവാറ്റ (10.കി.മീ) നിർമാണത്തിനാണ് പീരിയോഡിക്കൽ റിന്യൂവൽ ഗണത്തിൽ ഉൾപ്പെടുത്തി ഫണ്ട് അനുവദിച്ചത്. ഇൗ റീച്ചുകളിലെ ഉപരിതലത്തി​െൻറ ഗാരൻറി കാലാവധി തീർന്നിട്ടും പുതുക്കുന്നതിന് കേന്ദ്ര ഗതാഗത മന്ത്രാലയം രണ്ടുവർഷമായി നാലുവരിപ്പാത വികസനത്തി​െൻറ പേരിൽ ഫണ്ട് അനുവദിച്ചിരുന്നില്ല. എന്നാൽ, നാലുവരിപ്പാത വികസനം നീണ്ടു പോകുന്നതിനാൽ അറ്റകുറ്റപ്പണിക്കും ഉപരിതലം പുതുക്കുന്നതിനും ഫണ്ട് അനുവദിക്കണമെന്ന് കേന്ദ്ര മന്ത്രിക്ക് കത്ത് നൽകിയതി​െൻറയും പൊതുമരാമത്ത് പ്രിൻസിപ്പൽ സെക്രട്ടറിയും ദേശീയപാത ചീഫ് എൻജിനീയറും ഡൽഹിയിൽ കേന്ദ്ര മന്ത്രാലയവുമായി ചർച്ച നടത്തിയതി​െൻറയും ഭാഗമായി ഫണ്ട് അനുവദിക്കുകയായിരുന്നുവെന്ന് അറിയിച്ച മന്ത്രി, ഫണ്ട് അനുവദിച്ചതിന് നന്ദിയും രേഖപ്പെടുത്തി.