അയ്യങ്കാളി സ്മൃതിപഥ സമ്മേളനം

പിറവം: സഞ്ചാരസ്വാതന്ത്ര്യത്തിനായി അയ്യങ്കാളി നടത്തിയ വില്ലുവണ്ടി യാത്രയുടെ 125ാം വാർഷികത്തോടനുബന്ധിച്ച് സ്മൃതിപഥം എന്ന പേരിൽ തിങ്കളാഴ്ച പിറവത്ത് റാലിയും പൊതുസമ്മേളനവും സംഘടിപ്പിക്കും. രാവിലെ എട്ടിന് പിറവം യൂനിയ​െൻറ കീഴിലുള്ള 17 കേന്ദ്രങ്ങളിലും പതാക ഉയർത്തലും പുഷ്പാർച്ചനയും നടത്തും. ഉച്ചക്ക് മൂന്നിന് പിറവം ഗവ. ആശുപത്രി ജങ്ഷനിൽനിന്ന് ആരംഭിക്കുന്ന സാംസ്കാരിക ഘോഷയാത്ര 5.30ന് പള്ളിക്കവല മൈതാനത്തിൽ എത്തിച്ചേരും. തുടർന്ന് നടക്കുന്ന പൊതുസമ്മേളനം അനൂപ് ജേക്കബ് എം.എൽ.എ ഉദ്ഘാടനം ചെയ്യും. സ്വാഗതസംഘം ചെയർമാനും പിറവം യൂനിയൻ പ്രസിഡൻറുമായ വി.വി. സത്യൻ അധ്യക്ഷതവഹിക്കും.