വൈദ്യുതി പോസ്​റ്റിൽ തീ പടർന്ന്​ പരിഭ്രാന്തി പരത്തി

അരൂര്‍: മഴക്കിടെ വൈദ്യുതി പോസ്റ്റില്‍ തീ ആളിപ്പടര്‍ന്നത് പരിഭ്രാന്തി പരത്തി. അരൂര്‍ ശ്മശാനം റോഡരികിലെ വൈദ്യുതി പോസ്റ്റിലാണ് ഷോര്‍ട്ട് സര്‍ക്യൂട്ട് മൂലം തീ ആളിപ്പടര്‍ന്നത്. വെള്ളിയാഴ്ച രാവിലെ ആറോടെയാണ് സംഭവം. പോസ്റ്റില്‍ സ്ഥാപിച്ച ലൈറ്റും അനുബന്ധ ബോക്‌സും കത്തിനശിച്ചു. പ്രദേശവാസികള്‍ വിവരം അറിയിച്ചതിനെത്തുടര്‍ന്ന് അഗ്നിരക്ഷാസേനയും വൈദ്യുതി ജീവനക്കാരും സ്ഥലത്തെത്തിയാണ് ലൈന്‍ ഓഫ് ചെയ്ത് തീ കെടുത്തിയത്.