പുനർനിർമാണം: രൂപകൽപനയിൽ സൂക്ഷ്​മത വേണമെന്ന്​ കരാറുകാർ

ആലപ്പുഴ: പ്രളയക്കെടുതി പരിഹരിക്കുന്നതിന് ഹ്രസ്വ-ദീർഘകാല നടപടി സ്വീകരിക്കണമെന്ന് ഗവ. കോൺട്രാക്ടേഴ്സ് അസോസിയേഷൻ. ശബരിമല സീസൺ ആരംഭിക്കുന്നതിനുമുമ്പ് സഞ്ചാരതടസ്സം നീക്കണമെന്നും ഇത്തരം പണി ഏറ്റെടുത്തുനടത്താൻ ചെറുകിട-ഇടത്തരം കരാറുകാർ തയാറാണെന്നും സംസ്ഥാന പ്രസിഡൻറ് വർഗീസ് കണ്ണമ്പള്ളി വാർത്തസമ്മേളനത്തിൽ പറഞ്ഞു. ആയിരക്കണക്കിന് കോടികൾ മുടക്കി യന്ത്രങ്ങളും മറ്റും സമ്പാദിച്ചിട്ടുള്ള ചെറുകിട-ഇടത്തരം കരാറുകാരെ ഉൾക്കൊള്ളുന്നവിധം ടെൻഡർ ക്രമീകരിക്കുന്നിെല്ലങ്കിൽ സാമ്പത്തിക കെണിയിൽപെട്ട് ആയിരങ്ങൾ ആത്മഹത്യ ചെയ്യേണ്ടിവരും. തദ്ദേശീയ തൊഴിലാളികളിൽ ബഹുഭൂരിപക്ഷവും പട്ടിണിയിലാകും. സൂക്ഷ്മതയോടെ തയാറാക്കുന്ന രൂപകൽപനയുടെയും അടങ്കലുകളുടെയും അടിസ്ഥാനത്തിൽ മാത്രമാവണം റോഡ്-കെട്ടിട പുനർനിർമാണം. എ.സി റോഡി​െൻറ തകർച്ച ശരിയായ പര്യവേക്ഷണമില്ലാതെ ഉണ്ടാക്കിയ രൂപകൽപനയുടെ ഫലമാണ്. ഫ്ലഡ് ലെവൽപോലും ശരിയായി നിർണയിക്കാതെയാണ് റോഡ് നിർമിച്ചത്. മുഹമ്മദ് ഇസ്മയിൽ, എം.എസ്. നൗഷാദ് അലി, ഷാഹുൽ ഹമീദ്, ബാബു ദേവസ്യ, കെ. രഘുനാഥൻ എന്നിവരും പെങ്കടുത്തു.