അമ്പലപ്പടി സ്​റ്റുഡിയോയിൽ മോഷണം

പള്ളിക്കര: അമ്പലപ്പടി ഓറഞ്ച് സ്റ്റുഡിയോയിൽ മോഷണം. രണ്ട് കമ്പ്യൂട്ടറും ഹാർഡ് ഡിസ്കും കാമറയും രണ്ട് ലെൻസും കടയിലുണ്ടായിരുന്ന 1000 രൂപയുമാണ് മോഷണംപോയത്. രണ്ടുലക്ഷം രൂപയുടെ നഷ്ടമാണ് കണക്കാക്കുന്നത്. ശനിയാഴ്ച അടച്ചുപോയ സ്റ്റുഡിയോ തിങ്കളാഴ്ച രാവിലെ തുറക്കാനെത്തിയപ്പോഴാണ് മോഷണവിവരം അറിയുന്നത്. കേടായ കമ്പ്യൂട്ടറി​െൻറ ഹാർഡ് ഡിസ്ക് എടുത്തിട്ടുണ്ട്. ഞായറാഴ്ചയാണ് മോഷണം നടന്നതെന്നാണ് സംശയം. താക്കാൽകൊണ്ട് പൂട്ട് തുറന്നാണ് അകത്തുകയറിയതെന്ന് കരുതുന്നു. താഴ് പരിസരത്തെങ്ങും കണ്ടെത്താനായില്ല. തല്ലിപ്പൊളിച്ചതി​െൻറ അടയാളങ്ങളും ഇല്ല. കുന്നത്തുനാട് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. വിരലടയാളവിദഗ്ധരും പരിശോധന നടത്തി. പരിസരത്തുള്ള സി.സി ടി.വി കാമറകളും പൊലീസ് പരിശോധിക്കുന്നുണ്ട്. ശനിയാഴ്ച രാത്രി സമാനസ്വഭാവത്തിൽ പഴങ്ങനാട് ഒരു സ്വകാര്യസ്ഥാപനത്തിൽ മോഷണശ്രമം നടന്നിരുന്നു. എന്നാൽ, പരിസരവാസികളുടെ ശ്രദ്ധയിൽപെട്ടതോടെ പ്രതികൾ ഓടിരക്ഷപ്പെടുകയായിരുന്നു.