മൂവാറ്റുപുഴയിൽ സ്വകാര്യബസുകൾ കാരുണ്യയാത്ര നടത്തി

മൂവാറ്റുപുഴ: പ്രളയാനന്തര കേരളത്തെ പുനർനിർമിക്കാൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകുന്നതിന് കേരള പ്രൈവറ്റ് ബസ് ഓപറേറ്റേഴ്സ് ഫെഡറേഷൻ മൂവാറ്റുപുഴ താലൂക്ക് കമ്മിറ്റിയുടെ നേതൃത്വത്തിൽ കാരുണ്യയാത്ര നടത്തി ഫണ്ട് സമാഹരിച്ചു. കാരുണ്യയാത്രയുടെ താലൂക്ക്തല ഉദ്ഘാടനം മൂവാറ്റുപുഴ ആർ.ടി.ഒ റെജി പി. വർഗീസ് നിർവഹിച്ചു. ഫെഡറേഷൻ താലൂക്ക് പ്രസിഡൻറ് ബിനോപോളി അധ്യക്ഷത വഹിച്ചു. ഫെഡറേഷൻ താലൂക്ക് സെക്രട്ടറി എം.പി. അനിൽകുമാർ, മുഖ്യപ്രഭാഷണം നടത്തി. വ്യാപാരി വ്യവസായി ഏകോപന സമിതി യൂനിറ്റ് പ്രസിഡൻറ് അജ്മൽ ചക്കുങ്ങൽ, ട്രാഫിക് പൊലീസ് സബ്ഇൻസ്പെക്ടർ എൻ.കെ. ജോസ്, പി.എ. കബീർ എന്നിവർ സംസാരിക്കും.