കെ.എസ്.ആർ.ടി.സി ഡിപ്പോ ശുചീകരിച്ചു

പിറവം: സേവാ ഭാരതി പ്രവർത്തകർ കെ.എസ്.ആർ.ടി.സി ഡിപ്പോയിൽ ശുചീകരണ പ്രവർത്തനങ്ങൾ നടത്തി. ശുചീകരണ പരിപാടി ബി.ജെ.പി പിറവം നിയോജക മണ്ഡലം പ്രസിഡൻറ് എം.എസ്. ശ്രീകുമാർ ഉദ്ഘാടനം ചെയ്തു. പ്രളയത്തിൽ പിറവം കെ.എസ്.ആർ.ടി.സി ഡിപ്പോ വെള്ളത്തിൽ മുങ്ങിയിരുന്നു. ഡിപ്പോയിൽ അടിഞ്ഞുകൂടിയ മാലിന്യങ്ങളും ചളിയും സേവാ ഭാരതി പ്രവർത്തകർ നീക്കംചെയ്ത് ഡിപ്പോ ശുചിയാക്കി. ബി.ജെ.പി മണ്ഡലം ജനറൽ സെക്രട്ടറി എം.എസ്. ശ്രീകുമാർ, നഗരസഭ പ്രസിഡൻറ് ശശി മാധവൻ, സേവാ ഭാരതി പ്രവർത്തകരായ ടി.കെ. സജി, എം.എൻ. വിനോദ് , എം.സി. വിൻസൻറ്, ഹരി ഇലഞ്ഞി എന്നിവർ നേതൃത്വം നൽകി.