ക്ഷേത്രത്തിലെ കാണിക്കവഞ്ചി കുത്തിത്തുറന്നു; പള്ളിയിൽ മോഷണശ്രമം

ചാരുംമൂട്‌: നൂറനാട് മാമ്മൂട് ഓലിക്കൽ സ​െൻറ് ഗ്രിഗോറിയോസ് ഓർത്തഡോക്സ് പള്ളിയിൽ കഴിഞ്ഞ രാത്രി മോഷണശ്രമം നടന്നു. വ​െൻറിലേറ്ററിലൂടെ അകത്തുകടന്ന മോഷ്ടാക്കൾ അലമാരകൾ കുത്തിത്തുറന്ന് സാധനങ്ങൾ വലിച്ചുവാരിയിട്ടു. മദ്ബഹയിൽ പ്രവേശിച്ച് നാശം വരുത്തി. ഇവിടെനിന്ന് വൈൻ എടുത്ത് കുടിച്ചതി​െൻറ ലക്ഷണങ്ങളും ഉണ്ട്. ഓഫിസ് മുറിക്കുള്ളിലെ അലമാരകൾ കുത്തിത്തുറന്ന് താക്കോലുകൾ എടുത്ത് പുറത്തെ കാണിക്കവഞ്ചി തുറക്കാൻ ശ്രമം നടത്തിയെങ്കിലും കഴിഞ്ഞില്ല. പള്ളിക്ക് സമീപത്തെ വാകയിൽ ദേവീക്ഷേത്രത്തിൽ കയറിയ മോഷ്ടാക്കൾ കാണിക്കവഞ്ചി കുത്തിത്തുറന്ന് പണം അപഹരിച്ചു. വഞ്ചിയിൽ 5000ത്തോളം രൂപ കാണുമായിരുന്നെന്ന് ഭാരവാഹികൾ പറഞ്ഞു.