വൻ വിജയം ഉറപ്പ്​ -^വിജയകുമാർ

വൻ വിജയം ഉറപ്പ് --വിജയകുമാർ ചെങ്ങന്നൂർ: ഉപതെരഞ്ഞെടുപ്പിൽ യു.ഡി.എഫിന് വൻ വിജയം ഉറപ്പാണെന്ന് സ്ഥാനാർഥി ഡി. വിജയകുമാർ. പ്രതികൂല കാലാവസ്ഥയിലും ആവേശത്തോടെ ജനം വോട്ട് ചെയ്യാനെത്തിയത് അതി​െൻറ തെളിവാണ്. ഇരിങ്ങാലക്കുടയിലും കോട്ടയത്തും നടന്ന അറുകൊലകൾ ജനങ്ങളെ സ്വാധീനിക്കുമെന്ന കാര്യത്തിൽ സംശയം വേണ്ട. തൃപ്പെരുംതുറയിൽ ബൂത്ത് സന്ദർശനത്തിനുശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. ചെങ്ങന്നൂരിൽ സി.പി.എം - കോൺഗ്രസ് അവിശുദ്ധ ബന്ധം -ശ്രീധരൻപിള്ള ചെങ്ങന്നൂർ: ചെങ്ങന്നൂരിൽ നടന്ന ഉപതെരഞ്ഞെടുപ്പിൽ സി.പി.എം - കോൺഗ്രസ് അവിശുദ്ധ കൂട്ടുകെട്ട് എന്ന ആരോപണവുമായി ബി.ജെ.പി സ്ഥാനാർഥി പി.എസ്. ശ്രീധരൻ പിള്ള. മണ്ഡലത്തി​െൻറ വിവിധ ബൂത്തുകളിൽ കോൺഗ്രസ് പ്രവർത്തകർ സ്വയം ദുർബലമായി മാറിക്കൊടുത്തു. ഇത് ആസൂത്രിതമാണ്. ഹരിപ്പാടി​െൻറ ഉപകാരസ്മരണയാണ്. ദേശീയതലത്തിലെ നീക്കത്തി​െൻറ ഭാഗമായി വേണം ഇതിനെ കാണാൻ. ഇതിന് പിന്നിൽ എ.കെ. ആൻറണിയാണെന്നും ശ്രീധരൻപിള്ള ചെങ്ങന്നൂരിൽ വാർത്തസമ്മേളനത്തിൽ ആരോപിച്ചു.