കോൺഗ്രസുമായി ചേർന്നുള്ള പ്രാദേശികസഖ്യം അനിവാര്യം ^മാണി

കോൺഗ്രസുമായി ചേർന്നുള്ള പ്രാദേശികസഖ്യം അനിവാര്യം -മാണി ചെങ്ങന്നൂർ: രാജ്യത്ത് ജനാധിപത്യവും സമാധാനജീവിതവും തിരികെ കൊണ്ടുവരണമെങ്കിൽ കോൺഗ്രസിനോട് തോളോടുതോൾ േചർന്നുകൊണ്ടുള്ള പ്രാദേശിക കക്ഷികളുടെ സഖ്യം അനിവാര്യമാെണന്ന് മനസ്സിലാക്കിയാണ് ചെങ്ങന്നൂരിൽ യു.ഡി.എഫിന് പിന്തുണ നൽകിയതെന്ന് കേരള കോൺഗ്രസ്-എം നേതാവ് കെ.എം. മാണി. നിയമസഭ ഉപതെരഞ്ഞെടുപ്പിൽ വിജയകുമാറി​െൻറ വിജയം ഉറപ്പാക്കുന്നതിന് പ്രവർത്തിക്കുമെന്നും അദ്ദേഹം തെരഞ്ഞെടുപ്പ് യോഗത്തിൽ പറഞ്ഞു. യു.ഡി.എഫ് കുടുംബത്തിൽനിന്ന് പരസ്പര സ്നേഹവും വിശ്വാസമില്ലായ്മയുംകൊണ്ട് കഴിയാൻ പറ്റാത്ത സാഹചര്യത്തിലാണ് വിട്ടുപോയത്. കെ.പി.സി.സി നേതാക്കൾ നിലപാടിൽ മാറ്റംവരുത്തി പാലായിൽ വന്ന് സ്നേഹം പകർന്നുനൽകിയത് പരിപൂർണ വിശ്വാസത്തിലെടുക്കുകയായിരുന്നു. വിശ്വാസവും സ്നേഹവും തിരിച്ചുകിട്ടിയ സന്തോഷത്തിലാണ് യു.ഡി.എഫിലേക്ക് മടങ്ങാനുള്ള തീരുമാനം. ഇതിൽ ലാഭനഷ്ടങ്ങളുടെയോ സ്ഥാനമാനങ്ങളുടെയോ പ്രശ്നങ്ങളില്ല. ഇറങ്ങിപ്പോന്ന സാഹചര്യങ്ങൾ മാറി. പാർട്ടി നിയോഗിച്ച 10 അംഗ സബ് കമ്മിറ്റി ശിപാർശ ചെയ്ത നിലപാട് യുക്തിസഹമാണെന്ന് കണ്ടെത്തിയതുകൊണ്ടാണ് യു.ഡി.എഫിന് അനുകൂലമായി തീരുമാനമെടുത്തതെന്നും അദ്ദേഹം പറഞ്ഞു.