വെട്ടിക്കുറച്ച റേഷൻ പുനഃസ്ഥാപിക്കണം -കെ.സി.വൈ.എം

മൂവാറ്റുപുഴ: അഗതിമന്ദിരങ്ങളിലേക്കുള്ള വെട്ടിക്കുറച്ച റേഷൻ കേന്ദ്ര സർക്കാർ പുനഃസ്ഥാപിക്കണമെന്ന് കെ.സി.വൈ.എം ആരക്കുഴ ഫൊറോന സമിതി ആവശ്യപ്പെട്ടു. കേന്ദ്ര വിഹിതം വെട്ടിക്കുറച്ചതോടെ മാർച്ച് മുതലാണ് അരി വിതരണം പൂർണമായി നിലച്ചത്. പല സ്ഥാപനങ്ങളും സുമനസ്സുകളുടെ സഹായത്തോടെയാണ് പ്രവർത്തിക്കുന്നത്. റേഷൻ നിലച്ചതോടെ പല സ്ഥാപനങ്ങളുടെയും നിലനിൽപ് അപകടത്തിലാണെന്നും സമിതി ചൂണ്ടിക്കാട്ടി. പ്രസിഡൻറ് ജോമെറ്റ് പാറക്കൽ അധ്യക്ഷത വഹിച്ചു. രക്തസാക്ഷിത്വ ദിനാചരണം മൂവാറ്റുപുഴ: കർഷക കോൺഗ്രസ് പായിപ്ര മണ്ഡലം കമ്മിറ്റിയുടെ ആഭിമുഖ്യത്തിൽ രാജീവ് ഗാന്ധിയുടെ 27ാമത് രക്തസാക്ഷിത്വദിനം വിവിധ പരിപാടികളോടെ ആചരിച്ചു. കെ.പി.സി.സി എക്സി. അംഗം വർഗീസ് മാത്യു ഉദ്ഘാടനം ചെയ്തു. ജോർജ് മാലിപ്പാറ അധ്യക്ഷത വഹിച്ചു. പി.എ. അനിൽ, എൻ.എം. നാസർ, കെ.പി. ജോയി, സലിം, അബ്രഹാം തൃക്കളത്തൂർ, കെ.കെ. ഉമ്മർ, എം.സി. വിനയൻ, പി.വി. സജി എന്നിവർ സംസാരിച്ചു.