സൗജന്യ മെഡിക്കല്‍ എന്‍ട്രന്‍സ് പരിശീലനം

കൊച്ചി: കേരള മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത മത്സ്യത്തൊഴിലാളികളുടെ മക്കള്‍ക്ക് നല്‍കുന്ന വിദ്യാതീരം പദ്ധതിയിൽ അപേക്ഷ ക്ഷണിച്ചു. ഒരുവര്‍ഷത്തെ െറസിഡന്‍ഷ്യല്‍ എന്‍ട്രന്‍സ് കോച്ചിങ്ങി​െൻറ മുഴുവൻ ചെലവും സര്‍ക്കാര്‍ വഹിക്കും. ഹയര്‍ സെക്കൻഡറി/വൊക്കേഷനല്‍ ഹയർ സെക്കൻഡറി തലത്തില്‍ ഫിസിക്‌സ്, കെമിസ്ട്രി, ബയോളജി വിഷയങ്ങള്‍ക്ക് 85 ശതമാനം മാര്‍ക്ക് നേടിയ വിദ്യാർഥികള്‍ക്കും അല്ലെങ്കില്‍ മുമ്പ് നീറ്റ് പരീക്ഷയില്‍ 40 ശതമാനം മാര്‍ക്ക് നേടിയ വിദ്യാർഥികള്‍ക്കും അപേക്ഷ സമര്‍പ്പിക്കാം. അപേക്ഷഫോറം എറണാകുളം ഫിഷറീസ് ജില്ല ഓഫിസിലും ജില്ലയില്‍ മത്സ്യഭവനുകളിലും ലഭ്യമാണ്. അപേക്ഷ ജൂണ്‍ അഞ്ചിനുമുമ്പ് സമര്‍പ്പിക്കണം. േഫാൺ: 0484 2394476.