എസ്.പി. മുഖര്‍ജി വായനശാലയിൽ ഫിലിം ക്ലബ്‌

വൈപ്പിന്‍: അയ്യമ്പിള്ളി എസ്.പി. മുഖര്‍ജി സ്മാരക ഗ്രന്ഥശാലയുടെ യുവജനവിഭാഗമായ യുവതയുടെ ആഭിമുഖ്യത്തിൽ രൂപവത്കരിച്ച ഫിലിം ക്ലബ്‌ ഉദ്ഘാടനം വൈപ്പിന്‍ ബ്ലോക്ക് പഞ്ചായത്ത് പ്രസിഡൻറ് ഡോ. കെ.കെ. ജോഷി നിർവഹിച്ചു. ബ്ലോക്ക് പഞ്ചായത്തംഗം തങ്കമണി ശശി, കെ.വി. ശശിധരന്‍, എം.എം. വര്‍ഗീസ്, എം.സി. പവിത്രന്‍ എന്നിവര്‍ സംസാരിച്ചു. വയോജനവേദി സംഗമം വൈപ്പിന്‍: ചെറായി മനയത്തുകാട് ഗ്രാമീണവായനശാലയുടെ ആഭിമുഖ്യത്തിൽ എസ്.എസ്.എൽ.സി, പ്ലസ് ടു ഉന്നതവിജയം നേടിയവര്‍ക്കുള്ള അനുമോദനവും വയോജനവേദി സംഗമവും തിങ്കളാഴ്ച നടക്കും. വൈകീട്ട് നാലിന് അയ്യമ്പിള്ളി ഭാസ്കരന്‍ ഉദ്ഘാടനം ചെയ്യും. വി.കെ. സിദ്ധാർഥന്‍ അധ്യക്ഷത വഹിക്കും.