വീടുകയറി വയോധികയെ വെട്ടിയയാൾ റിമാന്‍ഡില്‍

ചേര്‍ത്തല: വീട്ടില്‍ അതിക്രമിച്ച് കയറി വയോധികയെ വെട്ടിപ്പരിക്കേല്‍പിച്ച ആളെ കോടതി റിമാന്‍ഡ് ചെയ്തു. മാരാരിക്കുളം വടക്ക് പഞ്ചായത്ത് രണ്ടാം വാര്‍ഡില്‍ കണിച്ചുകുളങ്ങര വേലിക്കകത്ത് ജിനീഷാണ് (34) റിമാൻഡിലായത്. കഴിഞ്ഞ ഏഴിന് രാത്രി ചേര്‍ത്തല നഗരസഭ 20ാം വാര്‍ഡില്‍ അറക്കല്‍പറമ്പില്‍ പെണ്ണമ്മയെയാണ് വീട്ടില്‍ കയറി വെട്ടിയത്. ഇവരുടെ മകന്‍ സുരേഷിനെ ആക്രമിക്കാനെത്തിയ ജിനീഷ് ഇയാള്‍ ഇല്ലെന്ന് അറിഞ്ഞതോടെ പെണ്ണമ്മയെ ആക്രമിക്കുകയായിരുന്നു. ഇവരുടെ കൈയുടെ അസ്ഥി വെട്ടേറ്റ് മുറിഞ്ഞു. സംഭവത്തിനുശേഷം ഒളിവിലായ പ്രതിയെ എസ്‌.ഐ ജി. അജിത്കുമാറി​െൻറ നേതൃത്വത്തിലാണ് പിടികൂടിയത്.