എം.ജി ബിരുദ ഏകജാലക പ്രവേശനം: ഓൺലൈൻ രജിസ്ട്രേഷൻ 25 മുതൽ

േകാട്ടയം: മഹാത്മാഗാന്ധി സർവകലാശാലയോട് അഫിലിയേറ്റ് ചെയ്ത സർക്കാർ/ എയിഡഡ്/ സ്വാശ്രയ ആർട്സ് ആൻഡ് സയൻസ് കോളജുകളിലെ ഏകജാലകം വഴി ഒന്നാംവർഷ ബിരുദ പ്രോഗ്രാമുകളിലേക്ക് പ്രവേശനത്തിനുള്ള ഓൺലൈൻ രജിസ്ട്രേഷൻ ഈ മാസം 25ന് ആരംഭിക്കും. ജൂൺ മൂന്നുവരെ ഓൺലൈനായി അപേക്ഷ സമർപ്പിക്കാം. പ്രൊവിഷനൽ റാങ്ക് ലിസ്റ്റും ട്രയൽ അലോട്ട്മ​െൻറും ജൂൺ ഏഴിന് പ്രസിദ്ധീകരിക്കും. ഒന്നാം അലോട്ട്മ​െൻറ് ജൂൺ 13നും രണ്ടാം അലോട്ട്മ​െൻറ് 22നും പ്രസിദ്ധീകരിക്കും. മാനേജ്മ​െൻറ്, കമ്യൂണിറ്റി, സ്പോർട്സ്, കൾചറൽ േക്വാട്ട, വികലാംഗ വിഭാഗത്തിന് സംവരണം ചെയ്ത സീറ്റുകൾ എന്നിവയിലേക്ക് അപേക്ഷിക്കുന്നവർ പ്രവേശനം ആഗ്രഹിക്കുന്ന കോളജുകളിൽ നേരിട്ട് അപേക്ഷ സമർപ്പിക്കണം. ലക്ഷദ്വീപിൽനിന്നുള്ള അപേക്ഷകർക്കായി ഓരോ കോളജുകളിലും സീറ്റുകൾ സംവരണം ചെയ്തിട്ടുണ്ട്. ലക്ഷദ്വീപ് നിവാസികളായ അപേക്ഷകർ പ്രവേശനം ആഗ്രഹിക്കുന്ന കോളജുകളിൽ നേരിട്ട് അപേക്ഷ സമർപ്പിക്കണം. ഓരോ കോളജുകളിലെയും അക്കാദമിക് പ്രോഗ്രാം www.cap.mgu.ac.in ൽ ലഭ്യമാണ്. കൂടാതെ പ്രോസ്പെക്ടസി​െൻറ സംക്ഷിപ്തരൂപം മലയാളത്തിലും നൽകിയിട്ടുണ്ട്. സ്പോർട്സ്/ കൾചറൽ/ വികലാംഗ സംവരണ സീറ്റുകളിലേക്കും പ്രവേശനത്തിന് അപേക്ഷകർക്ക് േമയ് 31 വരെ കോളജുകളിൽ നേരിട്ട് അപേക്ഷ സമർപ്പിക്കാം. റാങ്ക് ലിസ്റ്റ് ജൂൺ രണ്ടിന് കോളജുകളിൽ പ്രസിദ്ധീകരിച്ച് ജൂൺ നാലിനകം പ്രവേശനം പൂർത്തീകരിക്കണം. ഓൺലൈൻ രജിസ്ട്രേഷന് സർവകലാശാല ഇൻഫർമേഷൻ സ​െൻററുകളിലും അക്ഷയ സ​െൻററുകളിലും സൗകര്യം ഒരുക്കിയിട്ടുണ്ട്. കൂടാതെ അഫിലിയേറ്റഡ് കോളജുകളിലും ഏകജാലക ഹെൽപ് ഡെസ്കുകൾ ഏർപ്പെടുത്തിയിട്ടുണ്ട്. എസ്.സി/ എസ്.ടി വിഭാഗത്തിന് 330 രൂപയും മറ്റുള്ളവർക്ക് 660 രൂപയുമാണ് രജിസ്ട്രേഷൻ ഫീസ്. ഓൺലൈൻ രജിസ്ട്രേഷനും ക്യാമ്പ് സംബന്ധമായ എല്ലാ വിശദവിവരങ്ങളും www.cap.mgu.ac.in ൽ ലഭ്യമാണ്. അപേക്ഷ തീയതി മഹാത്മാഗാന്ധി സർവകലാശാല സ്കൂൾ ഓഫ് ഇന്ത്യൻ ലീഗൽ തോട്ടിൽ നടത്തുന്ന അഞ്ചും ഏഴും ഒമ്പതും സെമസ്റ്റർ പഞ്ചവത്സര ബി.ബി.എ എൽ.എൽ.ബി (ഓണേഴ്സ് - ന്യൂ സ്കീം, റഗുലർ/ സപ്ലിമ​െൻററി) പരീക്ഷകൾ േമയ് 29ന് ആരംഭിക്കും. അപേക്ഷകൾ പിഴയില്ലാതെ േമയ് 16 വരെയും 50 രൂപ പിഴയോടെ 17 വരെയും 500 രൂപ സൂപ്പർഫൈനോടെ 19 വരെയും സ്വീകരിക്കും. റഗുലർ വിദ്യാർഥികൾ 100 രൂപയും വീണ്ടുമെഴുതുന്നവർ പേപ്പറൊന്നിന് 20 രൂപ വീതവും (പരമാവധി 100 രൂപ) സി.വി ക്യാമ്പ് ഫീസായി പരീക്ഷ ഫീസിന് പുറമെ അടക്കണം. പ്രാക്ടിക്കൽ 2018 മേയിൽ തൃപ്പൂണിത്തുറ ആർ.എൽ.വി കേളജിൽ നടത്തിയ അഞ്ചാം സെമസ്റ്റർ ബി.എ ഭരതനാട്യം (കോർ) (സി.ബി.സി.എസ്.എസ് സപ്ലിമ​െൻററി) പരീക്ഷയുടെ പ്രാക്ടിക്കൽ േമയ് 21നും 2018 ഏപ്രിലിൽ നടത്തിയ നാലാം സെമസ്റ്റർ ബി.എ ഭരതനാട്യം, മോഹിനിയാട്ടം പരീക്ഷകളുടെ (കോർ/ കോംപ്ലിമ​െൻററി) പ്രാക്ടിക്കൽ േമയ് 22 മുതൽ 24 വരെയും തൃപ്പൂണിത്തുറ ആർ.എൽ.വി കോളജിൽ നടത്തും. ടൈംടേബിൾ സർവകലാശാല വെബ്സൈറ്റിൽ. പരീക്ഷ ഫലം 2017 ആഗസ്റ്റിൽ എറണാകുളം സ​െൻറ് ആൽബർട്സ് കോളജിൽ നടത്തിയ ആറാം സെമസ്റ്റർ ബി.വോക് (റിന്യൂവബിൾ എനർജി) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനക്കും േമയ് 28 വരെ അപേക്ഷിക്കാം. 2017 മേയിൽ മുട്ടം എസ്.സി.എം.എസ് സ്കൂൾ ഓഫ് ടെക്നോളജി ആൻഡ് മാനേജ്മ​െൻറിൽ നടത്തിയ രണ്ടാം സെമസ്റ്റർ ബി.എസ്സി ബോട്ടണി ആൻഡ് ബയോടെക്നോളജി മോഡൽ മൂന്ന് ഡബിൾ മെയിൻ (സി.ബി.സി.എസ്.എസ് യു.ജി, 2016 അഡ്മിഷൻ റഗുലർ, 2015 അഡ്മിഷൻ റീ അപ്പിയറൻസ്) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനക്കും മേയ് 28 വരെ അപേക്ഷിക്കാം.