കൂത്താട്ടുകുളം ഗവ. യു.പി സ്കൂളിൽ വേനൽപ്പറവകൾ

കൂത്താട്ടുകുളം: കൂത്താട്ടുകുളം ഗവ. യു.പി സ്കൂളിൽ കുട്ടികളുടെ അവധിക്കാല ഒത്തുചേരൽ വേനൽപ്പറവകൾ -2018ന് തുടക്കമായി. നഗരസഭ ചെയർമാൻ ബിജു ജോൺ ഉദ്ഘാടനം ചെയ്തു. പി.ടി.എ പ്രസിഡൻറ് ജോമോൻ കുര്യാക്കോസ് അധ്യക്ഷത വഹിച്ചു. ഗുരുശ്രേഷ്ഠ അധ്യാപക അവാർഡ് ജേതാവ് എൻ.സി. വിജയകുമാറിനെ നഗരസഭ വിദ്യാഭ്യാസ സമിതി അധ്യക്ഷൻ സി.എൻ. പ്രഭകുമാർ ആദരിച്ചു. കൗൺസിലർ പി.സി. ജോസ്, എൻ.സി. വിജയകുമാർ, ബി പി.ഒ പി.എസ്. സന്തോഷ്, ഹെഡ്മിസ്ട്രസ് ആർ. വത്സലാദേവി, ജെസി ജോൺ, കാലടി സംസ്കൃത സർവകലാശാല അധ്യാപകരായ ഷിബിജ, അരുൺ എന്നിവർ സംസാരിച്ചു.