കൊച്ചിയിലെ ബാറുകളിൽ മിന്നൽ പരിശോധന

കൊച്ചി: കൊച്ചിയിലെ ബാറുകളിൽ എക്‌സൈസ് കമീഷണർ ഋഷിരാജ് സിങ്ങി​െൻറ നേതൃത്വത്തിൽ മിന്നൽ പരിശോധന നടത്തി. ലൈസൻസ് ചട്ടങ്ങൾക്ക് വിരുദ്ധമായി റസ്റ്റാറൻറുകളിൽ മദ്യം വിളമ്പിയ കലൂരിലെ ലാൻഡ്മാർക്ക്, ഇടശ്ശേരി മാൻഷൻ ബാറുകൾക്കെതിരെ എക്‌സൈസ് നടപടി സ്വീകരിച്ചു. ബാറുടമകളടക്കം 10പേരെ പ്രതികളാക്കി കേസെടുത്തിട്ടുണ്ട്. റസ്റ്റാറൻറുകളിൽ മദ്യം വിളമ്പാൻ അനുവാദമുണ്ടെങ്കിലും ഇവിടെ ഭക്ഷണം വിതരണം ചെയ്തിരുന്നില്ല. പകരം ഇവിടെ മദ്യം മാത്രം വിറ്റുവരുകയായിരുന്നു. ലാൻഡ് മാർക്ക്, ഇടശ്ശേരി മാൻഷൻ ബാറുകളിൽ ലൈസൻസിന് വിരുദ്ധമായി മദ്യം വിളമ്പുന്നതായി എക്സൈസിന് വിവരം ലഭിച്ചിരുന്നു. ബാർ ലൈസൻസി​െൻറ മറവിൽ റസ്റ്റാറൻറുകളിലും പ്രത്യേകം കൗണ്ടറുകൾ സജ്ജീകരിച്ച് മദ്യം വിളമ്പുകയായിരുെന്നന്ന് എക്സൈസ് വൃത്തങ്ങൾ പറഞ്ഞു. സംസ്ഥാനത്തെ നിരവധി ബാറുകളിൽ ഇത്തരത്തിൽ ലൈസൻസിന് വിരുദ്ധമായി മദ്യം വിതരണം ചെയ്യുന്നതായി എക്സൈസിന് വിവരം ലഭിച്ചിട്ടുണ്ട്.