സായാഹ്​ന ധർണ

കൊച്ചി: നിർമാണ മേഖലയിലെ പ്രതിസന്ധികൾക്ക് പരിഹാരം കാണുക, ക്ഷേമനിധി ആനുകൂല്യങ്ങൾ വർധിപ്പിക്കുക തുടങ്ങിയ ആവശ്യങ്ങളുന്നയിച്ച് നിർമാണ തൊഴിലാളികളുടെ നേതൃത്വത്തിൽ അഖിലേന്ത്യ വ്യാപകമായി നടക്കുന്ന പ്രക്ഷോഭത്തി​െൻറ ഭാഗമായി കെട്ടിട നിർമാണ തൊഴിലാളി യൂനിയൻ (സി.െഎ.ടി.യു) എറണാകുളം ഏരിയ കമ്മിറ്റിയുടെ നേതൃത്വത്തിൽ കച്ചേരിപ്പടി ജങ്ഷനിൽ സായാഹ്ന ധർണ നടത്തി. സി.െഎ.ടി.യു ജില്ല വൈസ് പ്രസിഡൻറ് പി.എൻ. സീനുലാൽ ഉദ്ഘാടനം ചെയ്തു. നിർമാണ തൊഴിലാളി യൂനിയൻ സംസ്ഥാന കമ്മിറ്റിയംഗം കെ.വി. മനോജ്, ഏരിയ സെക്രട്ടറി വി.വി. പ്രവീൺ, പി.ആർ. റെനീഷ്, കെ.കെ. ഭാസ്കരൻ എന്നിവർ സംസാരിച്ചു.