വെട്ടിക്കോട്ടുചാൽ ടൂറിസം പദ്ധതി നടപ്പാക്കണം

ചാരുംമൂട്: വെട്ടിക്കോട്ടുചാൽ ടൂറിസം പദ്ധതി പൂർത്തിയാക്കണമെന്ന ആവശ്യം ശക്തമാകുന്നു. ഓണാട്ടുകര ഫാർമേഴ്സ് ക്ലബ് അസോസിയേഷൻ തയാറാക്കി സമർപ്പിച്ച രൂപരേഖപോലെ നടപ്പാക്കണം. അസോസിയേഷൻ സമർപ്പിച്ച പ്രോജക്ടിൽ പിൽഗ്രിം ടൂറിസം, നടപ്പാത, മരം നടൽ, വിശ്രമകേന്ദ്രം, കഫറ്റേരിയ, പെഡൽ ബോട്ടിങ്, മാലിന്യനിർമാർജനം, കുടിവെള്ള പദ്ധതി, ഫാം ടൂറിസം എന്നിവ അടങ്ങിയിരുന്നു. ഇതിന് എസ്റ്റിമേറ്റ് പ്രകാരം 2.65 കോടി അനുവദിക്കണം. എന്നാൽ, അടങ്കൽ തുക 1.40 കോടിയായി വെട്ടിക്കുറച്ചതിനാൽ പ്രോജക്ട് പൂർണ രൂപത്തിൽ നടപ്പാക്കാൻ കഴിയില്ല. ഇതുസംബന്ധിച്ച് സെക്രട്ടറി ജി. മധുസൂദനൻ നായർ ആർ. രാജേഷ് എം.എൽ.എക്ക് നിവേദനം നൽകി.