റോ റോ: ജീവനക്കാര്‍ക്ക് പരിശീലനത്തിന് കൂടുതല്‍ സമയം വേണം

കൊച്ചി: റോ റോ ജങ്കാര്‍ സര്‍വിസ് ജീവനക്കാര്‍ക്ക് പരിശീലനം നല്‍കാന്‍ കൂടുതല്‍ സമയം ആവശ്യമാണെന്ന് കേരള സ്റ്റേറ്റ് ഇന്‍ലാന്‍ഡ് നാവിഗേഷന്‍ കോര്‍പറേഷന്‍ അറിയിച്ചു. റോ റോ സര്‍വിസ് സംബന്ധിച്ച് കലക്ടറേറ്റില്‍ കലക്ടര്‍ കെ. മുഹമ്മദ് വൈ. സഫീറുല്ലയുടെ അധ്യക്ഷതയില്‍ ചേര്‍ന്ന യോഗത്തിലാണ് ഇക്കാര്യമറിയിച്ചത്. റോ റോ ജങ്കാര്‍ കഴിഞ്ഞ രണ്ടിന് സർവേയര്‍ പരിശോധിച്ചിരുന്നു. പരിശോധനക്കുശേഷം ഏതാനും രേഖകള്‍കൂടി ഹാജരാക്കാന്‍ കൊച്ചി കോര്‍പറേഷന് നിര്‍ദേശം നല്‍കിയിരുന്നു. രേഖകള്‍ ശനിയാഴ്ച കൈമാറിയതായി കൊച്ചി കോര്‍പറേഷന്‍ യോഗത്തില്‍ അറിയിച്ചു.