ചെക്കുകൾ വിതരണം ചെയ്തു

കൂത്താട്ടുകുളം: ഇലഞ്ഞി പഞ്ചായത്തിലെ വിവിധ ഭവന പദ്ധതികളില്‍ ആനുകൂല്യം ലഭിച്ചതും വിവിധ കാരണങ്ങളാല്‍ പണിപൂര്‍ത്തീകരിച്ച് വാസയോഗ്യമാക്കാന്‍ കഴിയാതിരുന്നതുമായ 16 ഗുണഭോക്താക്കള്‍ക്ക് കെ. ചിറ്റിലപ്പിള്ളി ഫൗണ്ടേഷന്‍ ജീവകാരുണ്യ പ്രവര്‍ത്തനത്തി‍​െൻറ ഭാഗമായി തുക അനുവദിച്ചു. ആദ്യഗഡുവായ 25,000 രൂപ വീതമുള്ള ചെക്കുകളുടെ വിതരേണാദ്ഘാടനം അനൂപ് ജേക്കബ് എം.എല്‍.എ നിർവഹിച്ചു. യോഗത്തില്‍ ഇലഞ്ഞി പഞ്ചായത്ത് പ്രസിഡൻറ് ജോയ്സ് മാമ്പിള്ളി അധ്യക്ഷത വഹിച്ചു. ലീല സുഖവാസി‍​െൻറ നിരന്തര പരിശ്രമത്തി‍​െൻറ ഫലമായാണ് ഇലഞ്ഞി പഞ്ചായത്തിലെ സാമ്പത്തികമായി പിന്നാക്കം നില്‍ക്കുന്ന കുടുംബങ്ങള്‍ക്ക് ആനുകൂല്യം ലഭിച്ചതെന്നും ഭവന പൂര്‍ത്തീകരണത്തിനുശേഷം അവസാന ഗഡു അനുവദിക്കാമെന്നും ഈ മേഖലയില്‍നിന്ന് കൂടുതല്‍ കുടുംബങ്ങളെ ഈ പദ്ധതിയില്‍ ഉള്‍പ്പെടുത്താമെന്നും ചിറ്റിലപ്പിള്ളി ഫൗണ്ടേഷന്‍ എക്സിക്യൂട്ടിവ് ഡയറക്ടര്‍ ഡോ. ജോര്‍ജ് സ്ലീബ പറഞ്ഞു. റെജി ജോര്‍ജ്, ലീല സുഖവാസ്, റിയ മനോജ്, ഷിബു, ഷാജി വെള്ളപ്ലാക്കന്‍, സി.എ. ജോര്‍ജ്കുട്ടി , അന്നമ്മ ആന്‍ഡ്രൂസ്, പി.എ. ദേവസ്യ പാറക്കണ്ടത്തില്‍, എ.ആര്‍. രതീഷ്, ഷേര്‍ളി തെറ്റാലില്‍, സി.ഡി.എസ് ചെയര്‍പേഴ്സൻ എല്‍സി ടോമി, കെ. അനിമോള്‍ തുടങ്ങിയവര്‍ പ്രസംഗിച്ചു.