ആറ്​ പേരിൽനിന്ന്​ 40.96 ലക്ഷത്തി​െൻറ സ്വർണം പിടികൂടി

നെടുമ്പാശ്ശേരി: കൊച്ചി വിമാനത്താവളത്തിൽ ആറ് പേരിൽ നിന്നുമായി മൊത്തം 40.96 ലക്ഷം രൂപയുടെ സ്വർണം പിടികൂടി. ഇതുകൂടാതെ 508 ഗ്രാം സ്വർണം കലർന്ന,ബ്രൗൺ കളറിലുള്ള പൊടിയും കസ്റ്റംസ് എയർ ഇൻറലിജൻസ് വിഭാഗം പിടികൂടിയിട്ടുണ്ട്. ക്വാലാലംപൂരിൽ നിന്നുമെത്തിയ മലപ്പുറം സ്വദേശിയിൽ നിന്നും 160 ഗ്രാം സ്വർണവും ബഹ്റൈൻ നിന്ന് വന്ന കോഴിക്കോട് സ്വദേശിയുടെ പക്കൽനിന്നും 233 ഗ്രാം സ്വർണവും, മസ്കത്തിൽ നിന്നുമെത്തിയ മലപ്പുറം സ്വദേശിയിൽനിന്ന് 228 ഗ്രാം സ്വർണവും പിടിച്ചെടുത്തു. ഷാർജയിൽനിന്നും വന്ന രണ്ട്്് യാത്രക്കാരിൽ നിന്നുമായി 540 ഗ്രാം സ്വർണവും പിടികൂടിയിട്ടുണ്ട്. ദുബൈയിൽ നിന്നെത്തിയ മലപ്പുറം സ്വദേശിയിൽ നിന്നാണ് ബ്രൗൺ നിറത്തിലുള്ള പൊടി പിടികൂടിയത്. ഇത് വിശദ പരിശോധനക്ക് കസ്റ്റംസ് ലാബിലേക്ക് അയച്ചു.