മഹിള സംഘം മാർച്ച്

കൊച്ചി: ഇന്ധനവില അനിയന്ത്രിതമായി കുതിച്ചുയരുന്നതിൽ പ്രതിഷേധിച്ച് കേരള മഹിള സംഘം ജില്ല കമ്മിറ്റിയുടെ ആഭ്യമുഖ്യത്തിൽ പനമ്പിള്ളിനഗറിലെ ഐ.ഒ.സി ഓഫിസിലേക്ക് പ്രതിഷേധ മാർച്ച് നടത്തി. മനോരമ ജങ്ഷനിൽനിന്ന് ആരംഭിച്ച മാർച്ച് ഐ.ഒ.സി ഓഫിസിന് സമീപം പൊലീസ് തടഞ്ഞു. തുടർന്ന് പ്രധാനമന്ത്രിയുടെ കോലം കത്തിച്ചു. പ്രതിഷേധയോഗം സംസ്ഥാന പ്രസിഡൻറ് കമലാസദാനന്ദൻ ഉദ്ഘാടനം ചെയ്തു. ഇന്ധന വിലകുറക്കുമെന്ന തെരഞ്ഞെടുപ്പ് വാഗ്ദാനവുമായി അധികാരത്തിലെത്തിയ മോദി സർക്കാർ വാഗ്ദാന ലംഘനങ്ങളാണ് നടത്തുന്നതെന്ന് കമലാസദാനന്ദൻ പറഞ്ഞു. ജില്ല പ്രസിഡൻറ് മല്ലിക സ്റ്റാലിൻ അധ്യക്ഷത വഹിച്ചു. യോഗത്തിൽ. ജില്ല സെക്രട്ടറി എസ്. ശ്രീകുമാരി, സംസ്ഥാന കമ്മിറ്റി അംഗങ്ങളായ ബ്യൂല നിക്സൺ, സജിനി തമ്പി, സി.പി.ഐ തൃക്കാക്കര മണ്ഡലം സെക്രട്ടറി കെ.കെ. സന്തോഷ് ബാബു, ലോക്കൽ സെക്രട്ടറി പി.ടി. ദിലീപ് എന്നിവർ സംസാരിച്ചു. മഹിള സംഘം ജില്ല കൗൺസിൽ അംഗങ്ങളായ താര ദിലീപ്, സബീന സത്യനാഥ്, സഫിയ കുഞ്ഞുമുഹമ്മദ്, മരിയ ഗൊരോത്തി, ആർ.എസ്. പ്രഭ, അംബിക രാജേന്ദ്രൻ, ജൂലി സാബു എന്നിവർ നേതൃത്വം നൽകി.