ഗവ. ആയുർവേദ ഫാർമസിസ്​റ്റ്സ് അസോസിയേഷൻ സംസ്ഥാന സമ്മേളനം 12ന്

കൊച്ചി: ഗവ. ആയുർവേദ ഫാർമസിസ്റ്റ്സ് അസോസിയേഷൻ 35ാം സംസ്ഥാന സമ്മേളനം 12, 13 തീയതികളിൽ എറണാകുളം ടൗൺ ഹാളിൽ നടക്കും. 12ന് രാവിലെ 10ന് സംസ്ഥാന പ്രസിഡൻറ് കെ.വി. സാബു പതാക ഉയർത്തും. തുടർന്ന് സാംസ്കാരിക സമ്മേളനം മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും. രണ്ടുമണിക്ക് നടക്കുന്ന കൽപദ സമ്മേളനം സി.ഐ.ടി.യു ദേശീയ പ്രസിഡൻറ് കെ. ചന്ദ്രൻപിള്ള ഉദ്ഘാടനം ചെയ്യും. എ.എം. ആരിഫ് എം.എൽ.എ അധ്യക്ഷത വഹിക്കും. വൈകീട്ട് ഏഴിന് കലാപരിപാടികൾ നടക്കും. 13ന് രാവിലെ 10.30ന് നടക്കുന്ന പൊതുസമ്മേളനം മന്ത്രി പി. തിലോത്തമൻ ഉദ്ഘാടനം ചെയ്യും. പ്രഫ. കെ.വി. തോമസ് എം.പി അധ്യക്ഷത വഹിക്കും. രണ്ടുമണിക്ക് നടക്കുന്ന പ്രതിനിധി സമ്മേളനം ഔഷധി ചെയർമാൻ കെ.ആർ. വിശ്വംഭരൻ ഉദ്ഘാടനം ചെയ്യും. സംസ്ഥാന പ്രസിഡൻറ് കെ.വി. സാബു, ജനറൽ സെക്രട്ടറി പി. വിനോദ്, സ്വാഗതസംഘം ചെയർമാൻ വി.പി. വിമൽരാജ്, സ്വാഗതസംഘം ജനറൽ കൺവീനർ കെ.എൻ. സുധ എന്നിവർ വാർത്തസമ്മേളനത്തിൽ പങ്കെടുത്തു.