Begin typing your search above and press return to search.
exit_to_app
exit_to_app
Posted On
date_range 31 March 2018 5:23 AM GMT Updated On
date_range 31 March 2018 5:23 AM GMTബിഷപ്പ് ഹൗസിന് മുന്നിൽ കർദിനാളിനെതിരെ പ്രതിഷേധം
text_fieldsbookmark_border
കൊച്ചി: ദുഃഖവെള്ളി ദിനത്തിൽ എറണാകുളം -അങ്കമാലി അതിരൂപത ബിഷപ് ഹൗസിന് മുന്നിൽ കർദിനാളിനെതിരെ പ്രതിഷേധ പ്രകടനം. സീറോ മലബാർ സഭയുടെ ഭൂമിയിടപാടുകളിൽ അഴിമതി ആവർത്തിക്കാതിരിക്കാനും യേശുവിെൻറ കാരുണ്യദർശനം സാക്ഷാത്കരിക്കാനും ചർച്ച് ആക്ട് നടപ്പാക്കണമെന്നാവശ്യപ്പെട്ട് ഒാൾ കേരള ചർച്ച് ആക്ഷൻ കൗൺസിലാണ് പ്രകടനം നടത്തിയത്. വെള്ളിയാഴ്ച വൈകീട്ട് നാലരയോടെ ഹൈകോടതി ജങ്ഷന് സമീപം ബിഷപ് ഹൗസിന് സമീപത്തെ സെൻറ് മേരീസ് ബസിലിക്കയിൽ ദുഃഖവെള്ളി ആചരണ ചടങ്ങുകൾ നടക്കുേമ്പാഴാണ് ചർച്ച് ആക്ഷൻ കൗൺസിൽ പ്രവർത്തകർ പ്ലക്കാർഡുകളുമേന്തി പ്രകടനമായി എത്തിയത്. കുരിശേന്തിയ ക്രിസ്തുവേഷ ധാരിയും ഇവർക്കൊപ്പം ഉണ്ടായിരുന്നു. പ്രതിഷേധക്കാർ ബിഷപ്ഹൗസിന് മുന്നിൽ കൂട്ടംകൂടി നിലയുറപ്പിച്ചതോടെ സംഘർഷ സാധ്യത കണക്കിലെടുത്ത് പൊലീസും സ്ഥലത്തെത്തി. ബിഷപ് ഹൗസിലും പള്ളി പരിസരത്തുമായി ഇൗ സമയം നിരവധി വിശ്വാസികളും ഉണ്ടായിരുന്നു. പ്രതിഷേധക്കാരെ പിന്തിരിപ്പിക്കാനുള്ള ശ്രമം പരാജയപ്പെട്ടതോടെ അസി. കമീഷണർ കെ. ലാൽജിയുടെ നേതൃത്വത്തിൽ പൊലീസ് അറസ്റ്റ് ചെയ്ത് നീക്കുകയായിരുന്നു. സുരക്ഷ പ്രശ്നങ്ങൾ ഒഴിവാക്കാനായിരുന്നു ഇൗ നടപടിയെന്ന് അസി. കമീഷണർ അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story