ജൈവവൈവിധ്യ പാർക്ക് തുറന്നു

ആലങ്ങാട്: വിദ്യാഭ്യാസ വകുപ്പി​െൻറ പദ്ധതിപ്രകാരം കോട്ടപ്പുറം ഗവ.എൽ.പി സ്കൂൾ കുട്ടികൾക്ക് ജൈവവൈവിധ്യ പാർക്ക് തുറന്നു. താമരക്കുളവും വിവിധ തരം ചെടികളും പൂക്കളും ഒരുക്കിയിട്ടുണ്ട്. സ്കൂൾ വളപ്പിൽ നിരവധി മരങ്ങളും നട്ടു. പഞ്ചായത്ത് പ്രസിഡൻറ് രാധാമണി ജയ്‌സിങ് ഉദ്ഘാടനം ചെയ്തു. പഞ്ചായത്ത് അംഗം ഗീത തങ്കപ്പൻ അധ്യക്ഷത വഹിച്ചു. പി.എസ്. ജഗദീശൻ, വി.ബി. ജബ്ബാർ, ശ്രീകല മധു, പ്രധാനാധ്യാപിക ടി.എം. സാജിത ഫസലു എന്നിവർ സംസാരിച്ചു. ചിത്രം: കോട്ടപ്പുറം ഗവ.എൽ.പി സ്കൂളിൽ ജൈവവൈവിധ്യ പാർക്കി​െൻറ ഉദ്ഘാടനം രാധാമണി ജയ്‌സിങ് നിർവഹിക്കുന്നു