ചാരായം പിടികൂടിയ ​സംഭവം: പ്രതിക്ക്​ അഞ്ച്​ വർഷം തടവ്​

കൊച്ചി: വീട്ടിൽ വിൽപനക്ക് ചാരായം സൂക്ഷിച്ച കേസിലെ പ്രതിക്ക് അഞ്ച് വർഷം കഠിനതടവും രണ്ട് ലക്ഷം രൂപ പിഴയും ശിക്ഷ. നേര്യമംഗലം പിറക്കുന്നം ഇഞ്ചിപ്പാറ കാക്കനാട്ടുകുടിയിൽ അനിലിനെയാണ് (32) എറണാകുളം അഡീഷനൽ സെഷൻസ് കോടതി ശിക്ഷിച്ചത്. രഹസ്യവിവരത്തി​െൻറ അടിസ്ഥാനത്തിൽ പൊലീസ് നടത്തിയ പരിശോധനയിൽ വീട്ടിൽനിന്ന് എട്ടു ലിറ്റർ ചാരായവും സമീപത്തെ വനത്തിൽനിന്ന് വാറ്റുപകരണങ്ങളും കണ്ടെത്തിയിരുന്നു. ഏഴ് പ്രോസിക്യൂഷൻ സാക്ഷികളിൽ രണ്ടു പേർ കൂറുമാറി. 14 രേഖകൾ കോടതി പരിശോധിച്ചു.