സംസ്​കൃത സർവകലാശാല കോഴ്​സുകൾക്ക്​ അപേക്ഷിക്കാം

കാലടി: ശ്രീ ശങ്കരാചാര്യ സംസ്കൃത സർവകലാശാലയുടെ 2018--19 വർഷത്തെ എം.എ, എം.എസ്സി, എം.എസ്.ഡബ്ല്യു, എം.പി.എഡ്, എം.എഫ്.എ, പി.ജി ഡിപ്ലോമ േപ്രാഗ്രാമുകളിലേക്ക് അപേക്ഷ ക്ഷണിച്ചു. കാലടി മുഖ്യകേന്ദ്രത്തിലും പ്രാദേശിക കേന്ദ്രങ്ങളിലുമായിരിക്കും കോഴ്സുകൾ നടത്തുക. വിശദവിവരങ്ങൾക്കും േപ്രാസ്പെക്ടസിനും ഓൺലൈനിൽ അപേക്ഷിക്കാനും www.ssus.ac.in, www.ssusonline.org വെബ്സൈറ്റുകൾ ഉപയോഗിക്കാം. എം.ഫിൽ പരീക്ഷ കാലടി: ശ്രീ ശങ്കരാചാര്യ സംസ്കൃത സർവകലാശാല മേയ് ഏഴിന് ആരംഭിക്കുന്ന ഒന്നാം സെമസ്റ്റർ എം.ഫിൽ പരീക്ഷക്ക് ഇപ്പോൾ അപേക്ഷിക്കാം. പിഴയില്ലാതെ ഏപ്രിൽ ആറുവരെ ഫീസടക്കാം. കൂടുതൽ വിവരങ്ങൾക്ക് www.ssus.ac.in സന്ദർശിക്കുക. വാക്-ഇൻ -ഇൻറർവ്യൂ കാലടി: ശ്രീ ശങ്കരാചാര്യ സംസ്കൃത സർവകലാശാല പെയിൻറിങ് (കലാചരിത്രം) വിഭാഗത്തിലേക്ക് താൽക്കാലിക അധ്യാപക ഒരു ഒഴിവിലേക്ക് വാക്-ഇൻ ഇൻറർവ്യൂ നടത്തും. യു.ജി.സി യോഗ്യതയുള്ള ഉദ്യോഗാർഥികൾ അസ്സൽ സർട്ടിഫിക്കറ്റുകളുമായി ഏപ്രിൽ രണ്ടിന് രാവിലെ 11ന് പെയിൻറിങ് വിഭാഗത്തിൽ എത്തണം. യാത്രപ്പടി നൽകില്ല.