10 ലിറ്റർ വിദേശമദ്യവുമായി ഒരാൾ പിടിയിൽ

പെരുമ്പാവൂർ: അനധികൃതമായി വിദേശമദ്യം സൂക്ഷിച്ചയാളെ കോടനാട് പൊലീസ് പിടികൂടി. ചൂണ്ടക്കുഴി പള്ളിക്ക് സമീപം ചിറങ്ങര വീട്ടിൽ ജോളിയെയാണ് (45) പൊലീസ് പിടികൂടിയത്. ഇയാളിൽനിന്ന് 20 കുപ്പികളിലായി സൂക്ഷിച്ച 10 ലിറ്റർ വിദേശമദ്യം പൊലീസ് പിടിച്ചെടുത്തു. കോടനാട് സബ് ഇൻസ്പെക്ടർ രാജേഷി​െൻറ നേതൃത്വത്തിലെ സംഘം മുടക്കുഴ നാലുപാലം ഭാഗത്ത് വാഹന പരിശോധ നടത്തുന്നതിനിടെയാണ് ഇയാൾ പിടിയിലായത്. കോടതിയിൽ ഹാജരാക്കി.