പഴമ മാറാതെ മോണോ ആക്ട്

കൊച്ചി: ജനകീയ ഇനമായ മോണോ ആക്ടിൽ 68 മത്സരാർഥികളിൽ ഏറെപ്പേരും പഴയ വിഷയങ്ങൾ തന്നെയാണ് അവതരിപ്പിച്ചത്. കണ്ടുംകേട്ടും മടുത്ത വിഷയങ്ങളിൽ മധുവി​െൻറ മരണവും ബ്ലൂ വെയിലുമൊക്കെയായിരുന്നു പുതുമ കൊണ്ടുവന്നത്. സ്ത്രീശാക്തീകരണവും തീവ്രവാദവുമൊക്കെ വീണ്ടും അരങ്ങിലെത്തിയപ്പോൾ പുതിയ കുപ്പിയിലെത്തിയ വീഞ്ഞി​െൻറ പ്രതീതിയായിരുന്നു. ആസ്വാദകരെ ആകർഷിക്കുന്നതോ നൊമ്പരപ്പെടുത്തുന്നതോ ചിന്തിപ്പിക്കുന്നതോ ആയ പ്രകടനങ്ങളുണ്ടായില്ല. ഗൗരവമേറിയ വിഷയങ്ങളിലേക്ക് മത്സരാർഥികൾ പോയതോടെ നർമത്തി​െൻറ കണികപോലുമില്ലാതായി. അതേസമയം, പെൺകുട്ടികളുടെ സാന്നിധ്യം ശ്രദ്ധേയമായിരുന്നു. അസമത്വും പുരുഷ മേധാവിത്വവുമൊക്കെയായിരുന്നു അവരുടെ പ്രകടനങ്ങളിൽ നിറഞ്ഞുനിന്നത്.