വേദനകളോട്​ തങ്കമ്മ പറഞ്ഞു; കടക്ക്​ പുറത്ത്...​

മണ്ണഞ്ചേരി: കയ്പ്പും ദുരിതവും വേട്ടയാടിയ ജീവിതത്തോട് ഒറ്റക്ക് പടപൊരുതിയ കഥയാണ് തങ്കമ്മയുടേത്. മണ്ണഞ്ചേരി കാവുങ്കൽ പടിഞ്ഞാറേ കോലാട്ട് (തോട്ടപ്പള്ളിയിൽ) പരേതനായ തങ്കപ്പ​െൻറ ഭാര്യയാണ് ഇൗ 66കാരി. ദുഃഖവും ദുരിതവും കഷ്ടപ്പാടുകളും നിറഞ്ഞ സാഹചര്യങ്ങളിൽനിന്ന് ജീവിതം കരുപ്പിടിപ്പിച്ച മാതൃക മാതാവ്. കാരിരുമ്പി​െൻറ കരുത്ത് മനസ്സിലുള്ള സ്ത്രീയെ ജില്ല ഭരണകൂടവും സാമൂഹികക്ഷേമ വകുപ്പും സംയുക്തമായി അന്താരാഷ്ട്ര വനിതദിനത്തി​െൻറ ഭാഗമായി ആദരിക്കുന്നുണ്ട്. കരിമരുന്ന് അപകടത്തെ തുടർന്ന് ദീർഘകാലത്തെ ചികിത്സക്കും ശുശ്രൂഷക്കുംശേഷം ഭർത്താവ് തങ്ങളെ അനാഥരാക്കി വിട്ടകന്ന് പോകുമ്പോൾ പറക്കമുറ്റാത്ത നാല് പെൺകുട്ടികൾ അടക്കം അഞ്ച് മക്കൾ. ആകെ സമ്പാദ്യം ഏഴ് സ​െൻറ് പുരയിടവും ചെറിയ കൂരയും കുറേ കടങ്ങളും. പട്ടിണിയിലൂടെയുള്ള യാത്ര. വിശന്നുവലയുന്ന മക്കൾക്ക് മുന്നിൽ പതറാതെ അന്നുമുതൽ ഇന്നുവരെ പാടത്തും പറമ്പിലും പണിയെടുത്തു. കർഷക-കയർ തൊഴിലാളിയായി, നെല്ലുകുത്തി അരിയാക്കി വിറ്റും കന്നുകാലികളെ വളർത്തിയും പരസഹായത്തിന് കൈ നീട്ടാതെ, ജീവിതയാത്രയിൽ കാലിടറാതെ, നേരി​െൻറ വഴിയിലൂടെ അഞ്ച് മക്കൾക്കും വിദ്യാഭ്യാസം നൽകി. എല്ലാവരെയും നല്ല രീതിയിൽ വിവാഹം കഴിച്ച് അയച്ചു. ഇന്നും രാവന്തിയോളം കഷ്ടപ്പാടി​െൻറ വഴിയിൽത്തന്നെ. ആരോടും പരാതിയും പരിഭവവും ഇല്ലാതെ മകൻ സുരേഷി​െൻറ (വിനോദ്) കൂടെ വളരെ സന്തോഷത്തോടെ ഒരു മാതൃക സ്ത്രീയായി, മാതാവായി തങ്കമ്മ ജീവിക്കുന്നു. -ടി.എ.കെ. ആശാൻ