വൃദ്ധ ദമ്പതികളെയും മകനെയും വീട്ടിൽ കയറി വെട്ടി; അയൽവാസി കുടുംബം കസ്​റ്റഡിയിൽ

കോതമംഗലം: ഊന്നുകൽ വെള്ളാമക്കുത്തിൽ വൃദ്ധ ദമ്പതികൾക്കും മകനും നേരെ ആക്രമണം. വീടുകയറി നടത്തിയ ആക്രമണത്തിൽ മൂന്നുപേർക്ക് പരിക്കേറ്റു. സംഭവവുമായി ബന്ധപ്പെട്ട് അയൽവാസികളായ കുടുംബത്തെ കസ്റ്റഡിയിലെടുത്തു. പുളിഞ്ചോട്ടിൽ പൗലോസ് (പൈലി-80), ഭാര്യ ഏലമ്മ (74), മകൻ ജയിംസ് (45) എന്നിവർക്കാണ് പരിക്കേറ്റത്. ബുധനാഴ്ച പുലർച്ച നാലോടെ വീടി​െൻറ വാതിലിൽ മുട്ടി ഉണർത്തിയശേഷമാണ് ആറംഗ സംഘം ആക്രമണം അഴിച്ചുവിട്ടത്. അയൽവാസിയായ കളരിക്കൽ ബേബിയും പൗലോസും തമ്മിലെ അതിർത്തി തർക്കമാണ് ആക്രമണത്തിന് കാരണമെന്ന് പൊലീസ് പറഞ്ഞു. തലക്ക് പരിക്കേറ്റ മൂവരെയും കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കളരിക്കൽ ബേബി, ഭാര്യ മോളി, മകൻ നോബിൾ എന്നിവരെ ഊന്നുകൽ പൊലീസ് കസ്റ്റഡിയിലെടുത്തു.