വായ്പ വിതരണം

ഉദയംപേരൂർ: തൃപ്പൂണിത്തുറ സൗത്ത് ഉൾനാടൻ മത്സ്യത്തൊഴിലാളി വികസന ക്ഷേമ സഹകരണ സംഘം, ഉദയംപേരൂർ നോർത്ത് ഉൾനാടൻ മത്സ്യത്തൊഴിലാളി സഹകരണ സംഘം എന്നിവയുടെ ആഭിമുഖ്യത്തിൽ സ്ത്രീകളുടെ സ്വയംസഹായ സംഘങ്ങൾക്കുള്ള മൈക്രോ ഫൈനാൻസ്‌ നടത്തി. മാങ്കായിക്കടവിൽ നടന്ന ചടങ്ങിൽ മത്സ്യഫെഡ് അസി. മാനേജർ ടി.ഡി. സുധ വിതരണോദ്ഘാടനം നിർവഹിച്ചു. സി.കെ. ഹരിഹരൻ അധ്യക്ഷത വഹിച്ചു. പ്രോജക്ട് ഓഫിസർ വി.ഡി. രശ്മി, സംഘം പ്രസിഡൻറ് എൻ.എൻ. വിശ്വംഭരൻ, കെ.കെ. മോഹൻ ദാസ് എന്നിവർ സംസാരിച്ചു.