പൈപ്പ് പൊട്ടൽ പതിവ്; കുഴികൾ നിറഞ്ഞ് റോഡ്

മൂവാറ്റുപുഴ: നഗരത്തിലെ തർബിയത്ത് റോഡിൽ പൈപ്പ് പൊട്ടൽ പതിവ്. ഇതോടെ റോഡിൽ കുഴികൾ രൂപപ്പെട്ട് അപകടങ്ങളും നിത്യസംഭവമായി. ഇരുചക്ര വാഹനങ്ങളാണ് റോഡിലെ കുഴിയിൽ വീണ് അപകടത്തിൽപെടുന്നത്. നിരവധി വിദ്യാർഥികളടക്കം സഞ്ചരിക്കുന്ന റോഡിൽ മൂന്നുമാസത്തിനിടെ ആറിടത്താണ് പൈപ്പ് പൊട്ടിയത്. ഇതോടെ വെള്ളം കുത്തിയൊഴുകി വലിയ കുഴികൾ രൂപപ്പെടുകയാണ്. നാല് പതിറ്റാണ്ടുമുമ്പ് വാട്ടർ അതോറിറ്റി സ്ഥാപിച്ച പൈപ്പ് കാലപ്പഴക്കം മൂലമാണ് പൊട്ടുന്നത്. പൈപ്പ് മാറ്റി സ്ഥാപിക്കുമെന്ന് അധികൃതർ പറയുന്നുെണ്ടങ്കിലും നടപടിയില്ല. റോഡിലെ കുഴികൾ അടച്ച് അപകടാവസ്ഥ ഒഴിവാക്കാൻ നടപടി സ്വീകരിക്കണമെന്ന് മേഖല പൗരസമിതി ആവശ്യപ്പെട്ടു.